आज यहाँ

रत्न शमशेर थापा 'निर्दोषी'

गजुल - 5, रोल्पा हाल - दोहा, कतार

दुनियाँले मेरो खुशी, लुट्न थाल्यो आज यहाँ
आखाँबाट अश्रुधारा, छुट्न थाल्यो आज यहाँ ।।

खुशी जति हराएर, पिडाहरु छल्कि दिदाँ
मन भित्र ज्वालामुखी, फुट्न थाल्यो आज यहाँ ।।

भविष्यको सुख खोज्न, दुःख सगँ लड्छु भन्दा,
समयको असिनाले, चुट्न थाल्यो आज यहाँ ।।


गन्तव्यका यात्राहरु, अनायासै हराउदा,
विश्वश्ताको नाता पनि, टुट्न थाल्यो आज यहाँ ।।

जीवनकै उपहार, गह भरि आशुँ झर्दा ,
चारै तिर ज्वारभाटा, उठ्न थाल्यो आज यहाँ ।।