खियाउँदैछु हाड छाला , टोलाउँछन्, आँखाहरु
भोकै छन्, यि लालाबाला, टोलाउँछन्, आँखाहरु
जसोतसो ढिंडो पाकेको छ आज घरमा
कति(न्)जेल हो एस्तो चाला ,टोलाउँछन्, आँखाहरु
कसैको आङमा एक सरो टालो छैन्,
कोहिका चाँही पैसा माला टोलाउँछन्, आँखाहरु
कोही प्रदेशिए त कोही शहर पस्या छन्,
गाँउघरमा भोटेताला, टोलाउँछन्, आँखाहरु
बिकाश र रोजगार आफ्नै देशमा भए सरकार !!
को आफ्नो घर छाडी जाला, टोलाउँछन्, आँखाहरु
१८-०८-२०१३
-प्रदीप तिमल्सिन
नलाङ , धादिङ
No comments:
Post a Comment