Harkaraj Gurung
आज राती एक्लै सुत्यो भन्दिनु उसलाई|
उठ्दा पनि एक्लै उठ्यो भन्दिनु उसलाई|
माया माया भन्दै हिड्ने छुइन अब देखी
छाती भित्र मुटु फुट्यो भन्दिनु उसलाई|
दु:खै दु:ख मात्र होस भन्थिन् मेरो जिवन
खाको बाचा सत्य पुग्यो भन्दिनु उसलाई|
छैठी देखी भाग्य खोज्दै बिछोड हुनेलाई
पिडा सेक्ने घाम डुब्यो भन्दिनु उसलाई|
मेरै कुरा गर्छिन् होली हाँस्दै गाउँ घरमा
लाश माथी फूल फूल्यो भन्दिनु उसलाई|
______हर्कराज गुरूङ "भूटानी"
___________अमेरीका —
No comments:
Post a Comment