नेपाली गजल : रुवाई आमा यो दशैं गयो बनाई लाचार ( सर्जक : युबराज गौतम (अन्तर्मुखी) )

Yubaraj Gautam Antarmukhi

October 4

। । । । । । गजल । । । । ।
रुवाई आमा यो दशैं गयो बनाई लाचार
त्यसैनै गरी रुवाउन दिदी आउँछ तिहार

हरेक वर्ष आउने यस्ता पर्व र मेलाले
दिलाई याद चर्काई मुटु फुटायो बार् बार

कसैले जागिर खाएर बसे कसको ब्यापार् छ
क्यै छैन मेरो देशमा बस्ने एउटा आधार

कर्मले यता लघारे पछि बाध्य भै म आएँ
सन्तान् को गाँस जुटाउँन भनी तरेर जंघार

सम्झेर यस्ता याबत कुरा भक्कानो फुट्दछ
नलागी आगो जलेर मन भै गयो अँगार

युबराज गौतम (अन्तर्मुखी)
कल्लेरी ६ धादिङ्ग
हाल कतार