नेपाली गजल : माघ आठमा संविधान, आउँछ या आउदैन [ सर्जक : राजेश पाठक प्याशी आत्मा / धादिङ ]

Rajesh Pathak Pyashi Atma

January 17 at 1:03pm

______________गजल___________
माघ आठमा संविधान, आउँछ या आउदैन |
कानुनको झुल्के बिहान, आउँछ या आउदैन ||

फेरि पनि म्याद थपेर, निदाउने हो की नेता |
कसैले त गर किटान, आउँछ या आउदैन ||

महलमा बस्ने हरुले, सोच्लान् र यी कुराहरु |
गरीबलाई बास स्थान, आउँछ या आउदैन ||

कयौं मरे आन्दोलनमा, कयौं हराएर गए |
सहिदको नाम निसान, आउँछ या आउदैन ||

बलात्कारी हत्यारालाई, झुन्ड्याएर मार्ने दण्ड |
नारीलाई इज्जत् सम्मान, आउँछ या आउदैन ||

राजेश पाठक प्याशी आत्मा
गजुरी ५ धादिङ नेपाल
हाल= साउदी अरेबिया