चन्दले दुई हात, दुई खुट्टा, मुख र दुई कुहिनाले कलम समातेर एकै पटकमा ६ वटा कलमले लेख्नु भएको थियो ।
आफ्नो प्रतिभालाई सार्वजनिक गर्दै चन्दले कुनै पनि व्यक्तिले आफूमा भएको प्रतिभालाई लुकाउनु हुँदैन् भन्दै आफ्नो प्रतिभालाई सार्वजनिक गर्दै अन्तर्राष्ट्रिय स्तरमा चिनाउनु पर्नेमा जोड दिनुभयो । अब आगामी दिनहरुमा विलक्षण प्रतिभा भएका व्यक्तिहरुलाई फाउण्डेशनले सहयोग गर्ने उहाँले बताउनुभयो ।
आफूले राष्ट्रपति भवन शितल निवासमा समेत आफ्नो प्रतिभा देखाइसकेको दावी गर्दै चन्दले प्रतिभादेखेर राष्ट्रपति डा। रामवरण यादवलेसमेत सहयोग गर्ने आश्वासन दिएको बताउनुभयो ।
कार्यक्रमका प्रमुख अतिथि एवम् पूर्व मन्त्री छविराज पन्तले यस्तो प्रतिभावान् व्यक्तिलाई राज्यले उचित मुल्यांकन गर्दै राष्ट्रिय रुपमा मात्रै नभएर अन्तराष्ट्रिय स्तरमै चिनाउनका लागि पहल गर्नुपर्ने बताउनुभयो ।
पन्तले भन्नुभयो ‘मनोज भाईको यस्तो प्रतिभा वाट म प्रभावित भएको छु, अहिले म कुनै पनि संस्थामा आवद्ध नभए पनि उहाँलाई जस्तो सुकै सहयोग गर्न पनि म तयार छु ।’ धेरै नेपालीहरुले गिनिज बुक अफ द वर्ल्ड रेकर्डमा विभिन्न विधामा नाम दर्ता गरेको उल्लेख गर्दै पन्तले अब चन्दले पनि नाम लेखाउनु पर्ने बताउनुभयो ।
No comments:
Post a Comment