नेपाली गज़ल : फुटाउन पहाड घन ठोक्ने म नै थिए !!

Suresh Karki Nisad

December 10, 2014

गजल

फुटाउन पहाड घन ठोक्ने म नै थिए !!
ठुलाभारी यता उता बोक्ने म नै थिए !!

पुर्ब पश्चिम् फैलिएको प्यारो देस हाम्रो
मेची महाकाली सिमा तोक्ने म नै थिए !!

गुन्योचोली ढाका टोपी नेपालीको सान
गुन्द्रुक मकै भटमास टोक्ने म नै थिए !!

कल कल गर्दै बग्ने खोला नाला छाङा
प्यासीबनी गङ्गा जल धोक्ने म नै थिए !!

युग देखि युगौ सम्म सान राख्ने नेपाली
दुस्मन लाई परै देखि रोक्ने म नै थिए !!

थाहा नगरबासी दामन 

मकवानपुर
हाल काठमाडौं नेपाल