मुक्तक दोहोरी : एक्ली रितु र पुरन वियोगको मुक्तक दोहोरी

एक्ली रितु र पुरन वियोग

पुरन बियोग
दाङको पुरन्धारा हो मेरो घर
तिमी बाहेक मेरो यहाँ को छर
ए मेरी नक्कली छुच्ची काली सुन
माया भए फोनै गर मिस्कल नगर

एक्ली रितु
थाहा छ मलाई तिम्रो नाम अनि ठेगाना
तिम्रै हुँ भनि निकै गर्यौ बाहाना
फोन गर्दा उठाउदैनौ तिमीले
फेरि किन जगाउछौ बोल्ने चाहाना


पुरन बियोग
यता तिर सर भनेकै हो रितु
मेरै भरमा पर भनेकै हो रितु
म अहिले काममा बि जि छु है
पछि फोन गर भनेकै हो रितु

एक्ली रितु
तिम्रै भरमा पर्दा खेरि पुरन
उतै बसाई सर्दा खेरि पुरन
बि जि छु भन्दै मुटु दुखाई हाल्यौ
दुई पटक फोन गर्दा खेरि पुरन

पुरन बियोग
यो समयले मलाई धोका दियो रितु
अनि मेरा सारा खुशी लियो रितु
तिमीले दुई पटक फोन गरेको बेला
मेरो मोबाईल चार्जमा थियो रितु

एक्ली रितु
समयलाई दोष दिई भाग्न नखोज
आफ्नै खुशीबाट आफै भाग्न नखोज
मिस्कल देखेसी रिप्लाई न गरि
आफ्नो गल्ती बाट भाग्न नखोज

पुरन बियोग
हिजो राती मैले पानी पिएन क्या रितु
पिउछु भन्दा नि उसले दिएन क्या रितु
यता मेरो कुरा सुन न यार तिमले
कसम मिस्कल गर्ने पैसा थिएन क्या रितु

एक्ली रितु
दोष दिन सिपाई पानीलाई दोष दियौ
दिएन भन्दै नानीलाई दोष दियौ
झुटको सिमा नाघ्ने कोसिस तिम्रो
मन छैन भनि पैसा र जवानीलाई दोष दियौ

पुरन बियोग
तिमी हौ मेरो आँखाकी नानी
तिर्खा लाग्दा पिलाई दिनु पानी
तिम्रै लागी साँचेर राख्या छु
मेरो यो कलकलाउदो जवानी

एक्ली रितु
साँच्चै मलाई आँखाकी नानी भन्छौ भने
मेरै लागी साँचेको जवानी भन्छौ भने
एक चोटि मिस्कल रिप्लाई पक्कै गर्थ्यौ
आफ्नो मनको मलाई रानी भन्छौ भने

पुरन बियोग
संधै भरि तिम्रै भरमा पर्ने छु रितु
तिम्रै लागी सारा खुशी छर्ने छु रितु
त्यो दिन ब्यालेन्स कम भएर हो
अब संधै तिमीलाई फोन गर्ने छु रितु

एक्ली रितु
मलाई मख्ख पार्ने कोसिस नगर भो
जिन्दगीमा अरु संग भर पर भो
रितु लाई संधै साथ दिन सक्दैनौ
त्यसैले अरु संगै खुशीका रंग छर भो

पुरन बियोग
जिबन भरि तिम्रै भर छ मलाई
धोका दिन्छेऊ कि भन्ने डर छ मलाई
मैले मख्ख पारेको होईन क्या रितु
तिमीलाई नै बिहे गर्ने रहर छ मलाई

प्रतिक्रिया तल कमेन्ट बक्स मा लेख्नु होला |