नेपाली गजल : माया लायौ महल छकी झुप्रो घर नसोध [ सर्जक : सुजन क्षितिज राई / ईलाम ]

माया लायौ  महल छकी झुप्रो घर नसोध !!
दु:खमा साथ दिन्छु तिमीलाई भर नसोध !!

दुई दिल मिलि हुन्छ माया प्रेम रुपरंग हैन 
खान्दान जातधर्म के हो अनि थर नसोध !!

हुन्छ भन्थे साचो माया दिलले चाहे पछि 
तन मन देखि हुन्छ मेरो माया डर नसोध !!

यहि झुपडीमा जन्में हुर्के यहि रमाउछु म 
थाहा छैन मलाई झिल मिल सहर नसोध !!

सुजन क्षितिज राई
ईलाम