 |
राम शरण श्रेष्ठ
चिसापानी, रामेछाप
|
खोला नाला धेरै धेरै सुन्दर उपहार छ ।
जलश्रोतमा दोश्रो देश तर अन्धकार छ ।
बर्षै पिच्छे बजेट आउँछ कता जान्छ जान्छ
लोडसेडिङपो जनतालाई सधैं लगातार छ ।
मुक्तक २
बत्ति आईदिए हुन्थ्यो साँझहरुमा
आउँदै आएन तै पनि रातहरुमा
खाली लोडसेडिङ बढाउँछ सरकार
सबै अल्झेकाछन् मुर्दा बादहरुमा
मुक्तक ३
चल्छ सधैं राजनैतिक चलखेल प्राधिकरणमा
बजेटमा हुन्छ नि जालझेल प्राधिकरणमा
परियोजना ठेक्का पट्टाको सुचना निस्केपछी
कमिसनमा हुन्छ किनमेल प्राधिकरणमा
मुक्तक ४
तालिका जारी गरेको छ हेर्नुहोला भन्छ सरकार
खोलामा पानि घटेको छ हेर्नुहोला भन्छ सरकार
चाहिने ३००० मेगावाटमा जम्मा अहिले सम्म
उत्पादन ७५० मा चलेकोछ हेर्नुहोला भन्छ सरकार
राम शरण श्रेष्ठ
चिसापानी, रामेछाप
[ माथिका सम्पूर्ण मुक्तक हरफहरु - चुकुप्रकाश १४ औं मुक्तक दोहोरी मा भएको मुक्तक को केहि अंश हो ]
मुक्तक दोहोरीमा भाग लिन अथवा मिठा मिठा मुक्तक दोहोरी पढ्न / सुन्न हामि संग जोडिनु होला |
प्रतिक्रिया दिन नभुल्नु होला !
No comments:
Post a Comment