१ ......
आउ शान्ति आउ हिमाल बाट आउ
आमुल परिबर्तनको चाल बाट आउ
देश रोएको छ यहाँ जन्ता रोएको छ
समग्रमा भन्नु पर्दा ताल बाट आउ
सिङ्गो राष्ट्र अशान्तिको भुमारीमा पर्दा
सिता भृकुटी र बुद्ध नेपाल बाट आउ
आकाश फोडेर यात धर्ति चिरेर यहाँ
शान्तिको बिगुल फुक्दै पर्खाल बाट आउ
दु:खी गरिव जनताको अधिकार बोकेर
निमुखा र टुहुराको संजाल बाट आउ
२.......
आज स्वदेश बिरामी छ सगरमाथा मुनि
लास बिनाको मलामी छ सगरमाथा मुनि
जता ततै अशान्तिको ज्वाला दन्के पछि
बिद्रोही को अग्रगामी छ सगरमाथा मुनि
उत्तर,दक्षिण,अजिङ्गरले डस्न थाले देखि
आँधि तुफान सुनामी छ सगरमाथा मुनि
देशको शोभा बचाउन धौ-धौ भएको बेला
न बैद्य छन न धामी छ सगरमाथा मुनि
एउटा भाई देश बिकासमा मरि हत्य गर्छ
अर्को भाई उ बेकामी छ सगरमाथा मुनि
दीपक नेपाली
जाजरकोट,टालेगाउँ
No comments:
Post a Comment