नेपाली बैन्कमा चोरीकोलोगो

पैसाको लागि बैंक चोरी डकैती त सुन्नु भएको होला (लूट फिल्म हेर्ने हरुले त के बिर्सनु भएको होला र?) तर बैंकले गरेको चोरी त सुन्नु भएको छैन होला ! तर, कहिँ नभएको जात्र हाँडी गाउँमा भन्या जस्तो  कहिँ नहुने चोरी नेपालमा हुन्छ ।

नेपाली बैंकहरुले चोरी गर्दा रहेछन भन्ने कुरा उनीहरुको लोगो देखेर थाहा भएको छ । नेपाल डायरी ब्लगले पत्ता लगाएका केही चोरीहरू यस प्रकार छन् ।

गौतम बुद्धको नाम सिद्धर्थ को नाममा बनेको ब्यांक ले बुद्धको “चोरी गर्न हुदैन” भन्ने उपदेश त कमसेकम सम्झनु पर्छ, ल हेर्नुहोस बेईजेत:

यी लोगो नेपाली बैंक http://siddharthabank.com/ र अस्ट्रेलियन बैंकको http://commbank.com.au/ वेबसाइटमा गएर आफै तुलना गर्न पनि सक्नु हुन्छ

कम्तिमा ‘S’ त ओरिजिनल रहेछ भनेर सोच्नु भएको हो भने यो तलको अर्को मंगोलियन बैंकको लोगो (http://www.savingsbank.mn/)  हेर्नुहोस त:

‘S’ लाइ सिधा हिसाबले चोरेकै भन्न नमिले पनि उस्तै उस्तै देखिने भएकोले र अन्य सबै कुरा चोरीको भएको ले यो पनि चोरेकै होला भन्न सकिन्छ ।

बैंक भनेको पैसाको कारोबार गर्ने संस्थान भएको ले सबै कारोबार बिस्वासको आधारमा हुने गर्छ । लोगो नै अर्काको चोर्ने बैंकसंग ती वास्तबिक लोगो भएका बैंकले के पत्याउलान ? लोगो चोर्न पनि अर्को बैंककै चोर्नु पर्छ र ?

अर्को बैंकको लोगो पनि चोरीको रहेछ ल हेर्नुहोस्:

प्राइम कमर्सियल बैंकको लोगो अर्को बैंकको नभएर वेबसाइट बनाउन प्रयोग हुने एउटा सफ्टवेर जुम्लाको (जुम्ला जिल्ला होइन है) लोगोलाइ रङ परिवर्तन गरेर बनाइएको छ :

पत्रिकामा लेख चोरी, फिल्ममा कथा चोरी, पोस्टर चोरी, बैंकको लोगो चोरी जस्तै भविष्यमा अरु पनि यस्तै के के चोरीका खबर आउन सक्छन ।

[एडिटर को नोट : यी बैंकका मालिकले पक्कै पनि लोगो डिजाइन गरेका होइनन होला। लोगो डिजाइनरले दिएका यी धोकाका घटनाहरुबाट शिक्षा लिएर सबै जना चनाखो हुन्छन होला भनेर यो पोस्ट गरिएको हो । यस लेखको उद्देश्य कसैलाई होच्याउने कदापी होइन ।]