चुकुप्रकाश १३ औं मुक्तक दोहोरीको सारांश साथै बिमला शर्मा"शोभा" र दीपक"दीयालो"ढुंगाना बिचको मिठो मुक्तक दोहोरी

चुकुप्रकाश मुक्तक दोहोरी हरेक महिना हुने गर्दछ | चुकुप्रकाश अनलाइन साहित्यिक पत्रिका बाट संचालन हुने यस कार्यक्रम मा धेरै भन्दा धेरै साहित्य पारखीहरु रम्ने गरेका छन् | ३३ घण्टा सम्म लगातार मुक्तक दोहोरी लाइ समय दिएर रम्ने सर्जक हरुको हकमा बोल्नु पर्दा मुक्तक दोहोरी उनीहरुको ढुकढुकीमानै रहेको छ | मुक्तकलाई दोहोरीको मध्यम बाट प्रस्तुत गरि सवाल जवाफ गर्दै अघि बढ्ने यो तरिका अर्को रमाइलो पक्ष हो | लेखेर खेलिने साहित्यिक दोहोरी नेपालकै पहिलो प्रयास हो भने सबैभन्दा ठुलो साहित्यिक जमघट पनि हो | भर्खरै सम्पन्न मुक्तक दोहोरी मा भगवती लामा र हरिशरण अर्याल प्रमुख भूमिकामा रही अन्य २३४ जनाले भाग लिनु भएको यस कार्यक्रमले ३३ घन्टामा ५००० मुक्तक जम्मा गर्न सफल भएको छ | भारत बाट प्रकाश मगरले ३३७ वोटा मुक्तक समय सिमामै प्रस्तुत गरेर मुक्तक दोहोरी इतिहासकै सबैभन्दा धेरै मुक्तक लेख्ने मुक्तककार घोषित भएका छन् | त्यसैगरी , रतन राज टुहुरो र प्रकाश पाठक प्यासी आत्मा पनि थोरै अन्तरमा संगै संगै नै छन् | यस  कार्यक्रम संचालक तथा प्रबन्ध निर्देशक प्रकाश अर्याल चुकुप्रकाश लाइ कार्यक्रम अघाडी बढाउन ब्यबस्थापन तर्फ बाट मौलिक श्रीस र  अम्बिका प्रसाद बन्जारा सल्लाहकार तर्फ बाट सम्झना अर्याल दर्पण , मदन भण्डारी र सुनिल अधिकारी त्यसैगरी हरिसरण अर्याल र अन्य थुप्रै सर्जकहरुले साथ दिदै आएका छन् | 

१३ औं मुक्तक दोहोरी प्रेम बिशेष मा प्रस्तुत भएको बिमला शर्मा र दिपक दियालो ढुंगाना बिचको मुक्तक दोहोरी झलक 




मुक्तक न (१ )

बिमला शर्मा"शोभा"

चितवन

हाल-इजरायल

दीपक दियालो

दोहोरिमा मेरि प्यारी आइ दिए हुन्थ्यो l
बाचा कसम संगै बसि खाइ दिए हुन्थ्यो ll
मुक्तक बाटै कुरो छिनाइ मेरो लागि तिम्ले l
रातो सारी सिन्दुर पोते लाई दिए हुन्थ्यो ll
दीपक"दीयालो"ढुंगाना
पथरिसनिश्चरे न.पा.-७,मोरंग
हाल-दोहा कतार

मुक्तक न:=१
जिन्दगिका सारा दुख भगाएर आएँ।
तिम्रै नामको सिन्दुर पोते लगाएर आएँ।
तिमी संग माया गाँसी सुख दुख बाड्न।
मरेका ती इच्छा पनि जगाएर आएँ।।
बिमला शर्मा"शोभा"
चितवन
हाल-इजरायल

दीपक"दीयालो"ढुंगाना

पथरिशनिश्चरे न:पा:७ ,मोरंग

हाल -दोहा,कतार

मुक्तक (२ )
मन्को कुरा बुझ्ने माया भेटें जस्तो लाग्यो l
हराएको आफ्नै छायाँ भेटे जस्तो लाग्यो ll
धेरै खोजें जीवन साथी मन मिल्ने तर l
आज आफ्नै दायाँ बायाँ भेटे जस्तो लाग्यो ll
दिपक"दियालो"ढुंगाना
पथरिशनिश्चरे न.पा.,मोरंग
हाल-दोहा,कतार



मुक्तक न:= (२)
यादहरु सम्हालेर पर्खी बसेथें l
तिम्रै माया अंगालेर पर्खी बसेथें l
मलाइ छोडी हिजो अस्ति टाढा भएनी।
मुटु भित्र बसाएर पर्खी बसेथें l
बिमला शर्मा"शोभा"
चितवन
हाल-इजरायल


मुक्तक न:= ३
छड्के हेर्दै हिड्ने तिम्रो चाल मन पर्छ l
लठ्ठै पार्ने जिउ अनि डाल मन पर्छ ll
साँच्चै भन्छु एउटा कुरा तिम्रो बोलि मलाइ l
धरो धर्म सत्ते कसम बबाल मन पर्छ ll
दीपक"दीयालो"ढुंगाना
पथरिशनिश्चरे न:पा:७ ,मोरंग
हाल -दोहा,कतार



मुक्तक न:=(३)
सुन्दरताको बयान गर्दा मख्खै पर्छु म त l
बिन्ती गर्दै पाउ पर्दा मख्खै पर्छु म त ll
कैले काहीँ घुर्क्याएर रिसाए जस्तो गर्दा l
फकाउँन अघि सर्दा मख्खै पर्छु म त ll
बिमला शर्मा"शोभा"
चितवन
हाल-इजरायल


मुक्तक:(४ )
तिमिलाई भेटे पछि के भो के भो सत्ते l
मेरो बाटो छेके पछि के भो के भो सत्ते ll
भेट्ने साथै मुटु ठानी छाती भित्र तिम्ले l
मेरो नाम लेखे पछि के भो के भो सत्ते ll
दीपक"दीयालो"ढुंगाना
पथरिशनिश्चरे न:पा.-७,मोरंग
हाल- दोहा,कतार

मुक्तक= (४ )
काहाँ देखौं कहाँ भेटौं हुन्छ मलाइ पनि l
पिरतिको मिठो यादले थुन्छ मलाइ पनि l
जहाँ जाउ उतै देख्छु तिम्रै प्रतिबिम्ब l
तिम्रो न्यानो संझनाले छुन्छ मलाई पनि l
बिमला शर्मा"शोभा"
चितवन


मुक्तक न:(५ )
तिमिलाइ यो आँखाको नानी बनाइ राख्छु l
मुटु भित्र माया प्रेमको खानी बनाइ राख्छु ll
जुनि-जुनि साथ दिन्छु भन मात्रै प्रीये l
जिन्दगिको माली अनि रानी बनाइ राख्छु ll
दीपक"दीयालो"ढुंगाना
पथरिशनिच्चरे न:पा:-७,मोरंग
हाल-दोहा,कतार


मुक्तक (५ )
हँसाएर राख्छु भन्छौ रुनु पर्ने हो कि l
आँसुलेनै सारा जिवन धुनु पर्ने हो कि ll
रानी बनाइ राख्छु भन्छौ भन्नलाई तर l
संसारकै अभागिनी हुनु पर्ने हो कि ll
बिमला शर्मा"शोभा"
चितवन
दीपक दियालो


मुक्तक न:=(६ )
स्वर्ग जस्तो संसार दिन्छु चिन्ता नगर l
दु:ख पीडा सबै लिन्छु चिन्ता नगर ll
भन्छौ भने जिन्दगिका मेरा रहर बेची l
तिम्रै लागि खुशी किन्छु चिन्ता नगर ll
दीपक"दीयालो"ढुंगाना
पथरीशनिश्चरे न:पा:७,मोरंग
हाल-दोहा,कतार


मुक्तक न:(६)
तिम्रो माया पाए जीवन बहार हुनेछ l
अनि मैले बाँच्नुकोनी सार हुनेछ ll
मेरो माया लत्याएर गयौ भने कसम l
साँचो प्रेमको यो संसारमा हार हुनेछ ll
बिमला शर्मा"शोभा"
चितवन
हाल-इजरायल



मुक्तक न =(७ )
तिम्रो घर आउछु आज जे-जे पर्ला पर्ला l
माग्न लाई आजै साँझ जे-जे पर्ला पर्ला ll
बाबा आमा नमानेमा हात समाइ तान्छु l
नाता गोता सबै माझ जे-जे पर्ला पर्ला ll
दीपक"दीयालो"ढुंगाना
पथरिशनिश्चरे न:पा:-७,मोरंग
हाल-दोहा,कतार


मुक्तक न:=(७)
जुनि भरी दिने भए साथ हजुरले l
माग्न आए हुन्छ मेरो हात हजुरलेll
चोखो माया गर्नु हुन्छ अजम्बरी जस्तै l
गर्नु हुन्न पक्कै पनि घात हजुरले ll
बिमला शर्मा"शोभा"
चितवन
हाल-इजरायल


मुक्तक न:८
मोहनिले ताने जस्तो हुन्छु घरिघरी l
पागल बनी तिम्रो तस्बिर छुन्छु घरिघरी l
तिमी मलाइ साथ दिन्नौ भन्ने पनि था छ l
तर पनि किन तिम्लाइ चुन्छु घरिघरी ll
दीपक दियालो"ढुंगाना
पथरिशनिश्चरे न:पा:-७,मोरंग
हाल-दोहा,कतार


मुक्तक (८ )
सबै भन्दा धेरै बिश्वाश गर्छु भन्थ्यौं पैले l
बिना कारण शंका मात्र गर्छौ किन ऐले l
घाइते मुटु बोकी बाँच्दा लाग्छ मलाई यस्तो l
काल आइ टप्प टिपी लान्छ होला कैले l
बिमला शर्मा"शोभा"
चितवन



मुक्तक न:=( ९ )
असल के हो खराब के हो चिन्न सक्छु अझै l
तिमी बिना एक्लै पनि हिन्न सक्छु अझै ll
धन दौलत नभए पनि कम्जोर नसम्झ l
चाहे भने तिम्रा खुशी छिन्न सक्छु अझै ll
दीपक दियालो"ढुंगाना
पथरिशनिश्चरे न:पा:-७,
हाल-दोहा,कतार


मुक्तक( ९ )
रुवाउनु रैछ आखिर किन माया लायौ l
वर पिपल साछी राखी झुटा कसम खायौ l
निर्दोष आँसु नयन बाट झार्ने भए तिम्ले l
साथ दिन्छु भन्दै किन मेरै नजिक आयौ l
बिमला शर्मा"शोभा"
चितवन
हाल-इजरायल

मुक्तक न:(१०)
मन संग मन मिले पो त माया l
तन संग तन मिले पो त माया ll
आज भन्दा भोलि मुटुको धड्कन l
झन भन्दा झन मिले पो त माया ll
दीपक"दियालो"ढुंगाना
पथरिशनिश्चरे न:पा:-७,मोरंग
हाल-दोहा,कतार




मुक्तक( १० )
तिमि बिना जिन्दगी यो काटौ कसो गरि
अरु संगै दिलको धड्कन साटौ कसो गरि
बिना कारण सम्बन्ध यो टुटाएसी तिम्ले पिरतिको डोरी अन्तै बाटौ कसो गरि l
बिमला शर्मा"शोभा"
चितवन
हाल-इजरायल



मुक्तक=(११ )
साँचो माया गर्थें मैले तोड्यौ तिमिले l
धनी भेट्दा गरिब ठानी छोड्यौ तिमिले ll
जुनि भरी चोखो माया गर्छु भनेर l
पराइ संग नाता किन जोड्यौ तिमिले ll
दीपक दियालो"ढंगाना
पथरी-७,मोरंग
हाल-दोहा,कतार




मुक्तक (११ )
चोखो माया गर्छु मैले छोडी नभन्नु l
नदेखे झैं नजर अन्तै मोडी नभन्नु l
तिमी बिना धड्कन यो कहाँ चल्छ र l
अजम्बरी नाता हाम्रो तोडी नभन्नु l
बिमला शर्मा"शोभा"
चितवन
हाल-इजरायल



मुक्तक(१२ )
अगुल्टोनी नठोसी त आगो बल्दैन l
दु:ख सुख नभएनी जीवन चल्दैन ll
झुटो कुरा दुनियाँमा टिक्छ कतिन्जेल?
सत्ते कुरो लुकाएर कैलै छल्दैन ll
दीपक दियालो"ढुंगाना
पथरी-७,मोरङ्ग



मुक्तक( १२)
एकोहोरो मैले माया गरेर पो गल्ति गरें l
बिना सित्तै तिम्रो लागि मरेर पो गल्ति गरे ll
जीवन भरि साथ दिन सक्दिन म भन्दा पनि l
हत्ते हाली तिम्रो पाउ परेर पो गल्ति गरें ll
बिमला शर्मा"शोभा"
चितवन
हाल-इजरायल



मुक्तक (१३ )
मेरो लागि अब तिम्ले मर्नु पर्दैन l
नाना थरी झुटा कुरा गर्नु पर्दैन ll
अब आफ्नै खुशी गर्नु मलाइ बिर्सेर l
फेरि कैले मेरो छेउ पर्नु पर्दैन ll
दीपक दियालो"ढुंगाना
पथरी-७,मोरंग
हाल-दोहा कतार



मुक्तक (१३)
यस्तो हालत देखि देखि जान्छौ भने जाऊ l
निस्ठुरी भै मुटु रेटी जान्छौ भने जाऊ l
बाचा कसम सबै तोडी मेरो जिन्दगीको l
खुशी आउने बाटो छेकी जान्छौ भने जाऊ l
बिमला शर्मा"शोभा"
चितवन
हाल-इजरायल


मुक्तक(१४ )
कठोर वचन गरि गरि नाता टुटायौ |
अजर अमर माया प्रिती किन छुटायौ |
तिमी बिना एक्लै बाँच्न भन्थ्यौ सक्दिन |
तर आज कसरि पो साहस जुटायौ ||
दीपक दियालो"ढुंगाना
पथरी-७,मोरंग
हाल-दोहा,कतार



मुक्तक (१४ )
हरायो नि भोक तिर्खा टाढा भए देखि l
कस्तो हुन्थ्यो हाम्रो माया गाढा भए देखि l
रोकिन्छ कि जस्तो भाछ यो मुटुको धड्कनl
फूल जस्तो मान्छे आज काडा भए देखि l
बिमला शर्मा"शोभा"
चितवन
हाल-इजरायल


मुक्तक(१५ )
बाचा थियो तिमी संग कैलै तर्किन्न l
मेरो मन टुटाएसि अब फर्किन्न ll
जति दुख परे पनि खप्छु आफैंले l
हाम्रो अतीत सम्झी अब छाती चर्किन्न l
दीपक दियालो"ढुंगाना
पथरी-७,मोरंग
हाल-दोहा,कतार



मुक्तक (१५ )
मर्छु होला म त तिम्रो हुन पाइन भने
पिर व्यथा पोखी संगै रुन पाइन भने l
छट्पटीमै बित्छन् कति प्रहरहरु मेरा l
यी हातले तिम्रै तस्बिर छुन पाइन भने l
बिमला शर्मा"शोभा"
चितवन
हाल-इजरायल



मुक्तक(१६ )
कति माया गर्छौ भनी चोरेको थें मन l
मेरो मुटु तिमिनै हौ धड्कन अनि तन l
साँचो माया गरि मलाइ बिस्वास दिलाएसी l
हिजो भन्दा आज माया बढ्न थाल्यो झन l
दीपक"दीयालो"ढुंगाना
पथरी-७,मोरंग
हाल-दोहा,कतार



मुक्तक (१६)
म मुना भए तिमी मदन हुनु ।
मेरो मन मुटुको धड्कन हुनु ।
जुनि भरि हामि बाँचौंला संगै ।
म बन्नेछु धर्ती तिमी गगन हुनु l
बिमला शर्मा"शोभा"
चितवन
हाल-इजरायल


मुक्तक (१७ )
मुटु भित्र राख्छु तिम्लाइ धड्कन भित्र राख्छु !
अजर अमर माया प्रेमको बन्धन भित्र राख्छु l
जुनि-जुनि सयौं जुनि मेरो कसम तिम्लाइ l
यी आँखाको नानी बनाइ नयन भित्र राख्छु ll
दीपक"दीयालो"ढुंगाना
पथरी-७,मोरंग
हाल-दोहा,कतार