मुक्तक मनोहरमा पोस्ट भएका केही मिठा मुक्तकहरु

****मुक्तक*****
यो रातो गुलाब,फिक्का लाग्यो,हजुरका अधर,सम्झिए पछि
अंगमा एउटा,तरंग उठ्यो,मायाको असर ,सम्झिए पछि
त्यो बेला लाग्थ्यो,संसारै हाम्रो,जता'नि हिड्यो,खुल्ला छ सफर
अहिले पो लाग्छ,कुँजिए जस्तो,पुरानो डगर सम्झिए पछि
-AGYANI


****मुक्तक*****
दुःख पर्दा दुख्ने मुटु मेरो पनि छ है
चोट पीडा पुग्ने मुटु मेरो पनि छ है
पत्थरत मेरो मन पक्कै होइन बुझ
सिसा झैं टुट्ने मुटु मेरो पनि छ है||
==================
२४/१०/२०७१
साहित्यपारखी मगर मोहन
थारमारे ४ सल्यान
हालःमुग्लानि भुमिबाट

****मुक्तक*****

मायाको तलाउ सुकाएर जान्छ उसैले
पटक पटक मन दुखाएर जान्छ उसैले
जसको आफ्नो भन्दानि बढी भर पर्यो
बिश्वासको डोरि चुडाएर जान्छ उसैले
Beekee Sudha
बाग्लुङ बलेवा
दक्षिण कोरिया
****मुक्तक*****

ठुटे चोली घरबुनाको गुन्यु लगाई घरी घरी
यिँ निदरी उत्ताउली छिन घुम्छिन आँखा वरिपरि
मलाई पनि यथार्थमा झल्को देखाइ देऊन कसम्
आँखा अघि उभिएर स्वप्न दिन्छ्यौ थरि थरि
- AGYANI

****मुक्तक*****

मेरो मनको आश मारी जान्छ्यौ भने जाउ
मलाई एक्लैएक्लै पारी जान्छ्यौ भने जाउ
मेरो वस्ती तिमीलाई विरानोझैं लाग्छ भने
अन्तै तिर बसाइँ सारी जान्छ्यौ भने जाउ||
======================
२३/१०/२०७१
साहित्यपारखी मगर मोहन
थारमारे ४ सल्यान
हालःमुग्लानि भुमिबाट


****मुक्तक*****

दिन दिनै तिम्रो त रंगीन बन्दैछ जीन्दगी !
मेरो भने तिमीबिना अर्थहिन बन्दैछ जीन्दगी !!
तिम्ले जस्तै हाँसी खुशी जीवन जीउँला भन्दा भन्दै ,
हिजो भन्दा आज झन कठीन बन्दैछ जीन्दगी !!!
TN mUkH¡¥A

****मुक्तक*****
चौरी अनि मुनाल डुल्ने हिमाल रहन्न हेर
सिमानाको लगाईएको पर्खाल रहन्न हेर
अझैनि भ्रष्ट कुकुरहरुको भरमा पर्यौं भने
भोलि पर्सि हाम्रो प्यारो नेपाल रहन्न हेर||
======================
२२/१०/२०७१
मोहन मगर सल्यानी
थारमारे ४ सल्यान
हालःमुग्लानि भुमिबाट


****मुक्तक*****
चौरी अनि मुनाल डुल्ने हिमाल रहन्न हेर
सिमानाको लगाईएको पर्खाल रहन्न हेर
अझैनि भ्रष्ट कुकुरहरुको भरमा पर्यौं भने
भोलि पर्सि हाम्रो प्यारो नेपाल रहन्न हेर||
======================
२२/१०/२०७१
मोहन मगर सल्यानी
थारमारे ४ सल्यान
हालःमुग्लानि भुमिबाट


****मुक्तक*****
फेसन भन्दै कपडा आधा लाएर नहिड
संस्कृति भुलि रि मिक्स र पप गीत गाएर नहिड
मंहगो छ चेली नारीको इज्जत बुझेनौ तिमीले
रात र साँझ डिस्को र डान्सवार धाएर नहिड
प्रकाश अधिकारी
बरबोटे 5, इलाम.


****मुक्तक*****
पात संग फूललाई दाज्ने नगर
ढुंगा संग नौनीलाई दाज्ने नगर
दाज्न मिल्छ समान कुराहरु मात्र
धन संग मायालाई दाज्ने नगर !!
©विक्लान्त



****मुक्तक*****
संविधान दिनु त काँहा हो काँहा नेताहरु लुक्दैछन्
जब बित्यो समय अनी बल्ल सहमतीमा पुग्दैछन्
समय हुँदा कुकुर जस्तै लड्दै बसे सदनमा ,
आज बल्ल भुसीयाहरु होसमा आई भुक्दैछन् |
‪#‎टि_एन_मुखीया‬
‪#‎ईलाम‬


****मुक्तक*****
आगोले पोल्छ भन्ने थाहा हुँदा हुँदै।
मिठो बचन बोल्छौ रिसाहा हुँदा हुँदै।
छोड्नु पर्छ चोखो माया भय पछी,
यौवनको मन भित्र चाहा हुँदा हुँदै।
‪#‎ऋषि‬

****मुक्तक*****

तिमीलाई के थाहा तिमी के हौ मेरो लागि
फूल हैन अनुभूति हौ बास्नाको मेरो लागि
फूल भए ओईलाएर झरी सक्नेथ्यौ शायद
शरीर म, मेरो आत्मा हौ तिमी मेरो लागि !
सुनिल अधिकारी

****मुक्तक*****

मोहबाट मुक्त भएँ कुनै रोष बाँकी छैन
तरल छैन रित्तिएका आभामा ठोस बाँकी छैन
आफै हुँ बाटो बिराऊने र समयलाई चुनौती दिने
सकियो अरुलाई लगाऊन मिल्ने दोष बाँकी छैन

विजय कुमार के.सी.