 |
| मुक्तककार परिचय :
नाम : अनिल सौगात सुवेदी
ठेगाना : ठुलीपोखरी १, पर्बत
हाल : रियाद, साउदी अरब
|
बैँस ले मातिएकी यो सानी खराब छ
नजिक नआउ मेरो पनि बानी खराब छ ।।
टाढै बस कान्छी भोलि पछुताउनु भन्दा
तिम्रो मेरो उस्तै उस्तै जवानी फरक छ ।।
मुक्तक २,,,
मन दुख्दा आँखा रुने कसले बनायो
देउता भनि पथ्थर छुने कसले बनायो ।।
मायाप्रेम मा त मान्छे खुसी हुन्छ तर
बिछोड मा पागल हुने कसले बनायो ।।
मुक्तक ३,,,
जित मात्र हुदैन कहिले हार हुन सक्छ
हरेस खाए जिन्दगी बेकार हुन सक्छ ।।
हिम्मत लिई अगाडि बढ्याे भने मात्र
सन्सार सबै आफ्नो उपहार हुन सक्छ ।।
मुक्तक ४,,,,
तिम्ले टेक्ने मैले टेक्ने माटाे फरक छ
जिन्दगी को आ आफ्नै पाटाे फरक छ ।।
हिजो सम्म संगै यात्रा गरेपनी सानू
आज देखि हामी हिड्ने बाटो फरक छ ।।
मुक्तक ५,,,
मैले जोत्दा तिमिले डल्ला फोरेको याद आयो
अर्कै को खरवारि को घाँस चोरेको याद आयो ।।
कति छिटो बित्छ दिन अनि अतीत बनी दिन्छ
चौतारीमा ढुङ्गा ले नाम कोरेको याद आयो ।।
मुक्तक ६,,,,
सन्सार देखि दिक्क लाग्छ कुनै बेला
सधै कहाँ हुन्छ ठिक्क लाग्छ कुनै बेला।।
दुख अनि सुख लाई निहालेर हेर्दा
दुई पाटाको एक सिक्का लाग्छ कुनै बेला ।।
मुक्तक ७,,,,
मान्छेहरु सबै एउटै स्वभाव फरक फरक
ईच्छा चाहाना अनि अभाब फरक फरक ।।
एकै ठाउ एकै परिवेश एउटै सन्सार भित्र
प्रश्न एक तर सबको जबाफ फरक फरक ।।
मुक्तक ८,,,,
किन पोल्छ छाती भन्थे चोट लुकेर पो रैछ
भिज्न छाेडे परेली आशु मुल सुकेर पो रैछ ।।
भित्र जस्तो भए पनि बाहिर खिस्स हास्नै पर्ने
किन खुसी देखिन्नस भन्थे मन दुखेर पो रैछ ।।
मुक्तक ९,,,,
जमिनमा छु आकाश छुन सक्दिन म
चोट भए नि मुटु भरी रुन सक्दिन म ।।
माया त पैसामा बिक्छ अरे अचेल
गरिब भएरै तिम्रो मान्छे हुन सक्दिन म ।।
मुक्तक १०,,,,,
बिहेको निमन्त्रणा भनी पत्र लेखेर पो गयौ
निहुराउदै शिर घुम्टोले मुहार छेकेर पो गयौ ।।
सोचेको थिए फर्किएर आउदिनौ होला अब
श्रृङ्गारिदै मेरै आगनको छेउ टेकेर पो गयौ ।।
अनिल सौगात सुवेदी
ठुलीपोखरी १, पर्बत
हाल : रियाद, साउदी अरब
No comments:
Post a Comment