 |
भिजन गुरागाई
शिवसताक्षी -१ , झापा
सम्पर्क : Facebook ID
|
यो दुनियाँमा मलाई नै किन चयन गरियो?
अनि गलत ठाँउमा यसरी प्रयोजन गरियो।
हो मान्छेमा मानवता हराएको हुनुपर्छ यहा
तिम्रो व्यबहार बाट यही मुल्यांकन गरियो ।
मुक्तक २
दुनिया कती जाली रैछ आजै थाहा भयो
यो दिल पनि खाली रैछ आजै थाहा भयो
हो रम्न सम्म रमिएछ ब्यर्थ सुन्दरतामा
गोडमेल गर्ने माली रैछ आजै थाहा भयो
मुक्तक ३
समिपैमा आएर बस तिम्रो अभाव भएको छ।
क्रमै संग दिलमा पस तिम्रो अभाव भएको छ।
हो तिमी नै हौ मेरो निम्ति थोरै खुसी थपी दिने
पिरतीलेे मलाई कस तिम्रो अभाव भएको छ
मुक्तक ४
दुखाएर मन के के भन्छौ तिमी
नबुझेरै झन के के भन्छौ तिमी
रोजनत पिरतिमा के चाहन्छौ प्रिया
म गरिव या धन के के भन्छौ तिमी
मुक्तक ५
दिल दुखेको ओखती कहाँ पाहिन्छ?
भनीदेउन खोजे जती कहाँ पाहिन्छ ?
लागी पर्छु म पनि जिलो ज्यान दिएर
एउटी असल श्रीमती कहाँ पाहिन्छ ?
मुक्तक ६
समय कहिल्यै एक नास हुदैन ।
मालिङगो बढेर कतै बाँस हुदैन।
सिस्नो भनेको सिस्नै हो पोल्छ।
जति कल्कल भएनि घाँस हुदैन ।
मुक्तक ७
उपहारमा कसैको नजर आएको थियो।
कोठामा वस्नु भन्दै घर आएको थियोे ।
हिजो अस्तिका कुरा छोड्नुस न आज
भिजन चुम्बन दे भन्दै अधर आएको थियो।
भिजन गुरागाई
शिवसताक्षी १ झापा
No comments:
Post a Comment