नेपाली गजल : गास्नु भन्दा पहिल्यै साईनो.. [ सर्जक : प्रकाश पाठक"योगि" / चितवन ]

"गजल"
कस्का बाउको के खाएको छु र थर्काउछौ यार
पापि नयन ति किन म तिर कर्काउछौ यार !!

आफू मात्रै महान छु भन्ने सोच रहेछ तिम्रो 
कतै आत्माग्लानि भो कि त आशु दर्काउछौ यार !!

टाठिन्थेउ त,खुबै मै राम्रो र सुंदर छु भनि
बिना तेल घुम्म्रिएको जुल्फि तेसै लर्काउछौ यार !!

हास्दै-हास्दै कति सारो भन्न सकेको अरुलाई
न ताल न सुर, कम्मर आफै मर्काउछौ यार !!

खै थाहा छैन बचनै रूखो भयो कि त हजुर
यो सुनेर पानीको साटो थूक सर्काउछौ यार !!

खै धेरै गरे बिस्वास तिम्रो, देखे मित्रता पनि
गास्नु भन्दा पहिल्यै साईनो त्यो चर्काउछौ यार !!

प्रकाश पाठक"योगि"
चितवन
हाल-चेन्नई