जोनिशा मगर र दुर्गा कँडेल बिचको मुक्तक दोहोरी 2015-04-09

बुटवल कि साहित्य सर्जक जोनिशा मगर र दुर्गा कँडेल बिचको  मुक्तक दोहोरी 2015-04-09
नारी विशेष 

दुर्गा कँडेल
नया साल आयो सिउदो भर्ने होईन र जोनिश?
अब उमेर पनि भयो बिहे गर्ने होईन र जोनिशा?
पोहोर साल भन्थेउ आँगु साल सोचौला भनेर
नया साल संगै बेसितिर झर्ने होईन र जोनिशा??

जोनिशा मगर
सोचे जस्तो साथी भेट्या छैन दुर्गा जि।
देखावटी मायागर्ने संग गएर भैन दुर्गा जि।
माग्न त आका थिय गाको मङ्सिर मा
कास्तो छ कातो उस्कोमन तेसैले गैन दुर्गा जि।

दुर्गा कँडेल
पराही घर जानै पर्छ यो छोरिको कर्म हो।
जस्तो भएनी मारेपाप पाले उस्लाई धर्म हो।
कस्तो रहेछ हगि छोरिको यो अभागी कर्म
जन्मघर छाडी पराईघर जानू यो ठूलो मर्म हो।

जोनिशा मगर
के गर्नु सबै बाट ठगिएको चेली हामी त।
दुखै दुख मात्र भोगिएको चेली हामी त।
सहनै पर्ने पराईको अत्याचार सबै नारिले
दैब यस्तै पीडा पाउन जोगिएको चेली हामी त।

दुर्गा कँडेल
चेली महान हुन्छ्न मनसानो गराउनु हुन्न।
लाग्छ जन्म घर देखि डाँडा कटाउनु हुन्न।
रोजेको मायासंग जिन्दगी बिताउन पाउनु पर्छ
नारीको मन्जुर बिना तेसै घर बसाउनु हुन्न।

जोनिशा मगर
सबै बुझ्ने आज भोलि झन हुदैनन।
आफन्तको नै यस्तो खाल्को मन हुदैनन।
जति ठूलो हु भेनपनि एकदिन गिर्नै पर्ने चेली
सहन सक्ने जस्तो पराइ को वचन हुदैनन।

दुर्गा कँडेल
नबुझेको समाजलाई हाम्ले बुझाउनु पर्छ।
समाजमा नारी माथीका घटना सुल्झाउनु पर्छ।
जस्ले हाम्रो समाज मा नारिको इज्जत गर्दैनन
तेस्तो ब्याक्तीलाई संजाय दि सिर नुगाउनु पर्छ।

जोनिशा मगर
हजुरजस्तो बुझ्ने युवा योसमाजमा हुनुपर्छ।
होइन भने हामी चेली जीवन भरी रुनुपर्छ।
सधैं भरी उनिहरुको दास हुदै बस्यौं भने
हरे दैव , हामी अरुकै हात गोडा धुनुपर्छ।

दुर्गा कँडेल
अब जमनाले कोल्टे फेरि सकेको छ।
नारी शोषित लाई कानुनले घेरी सकेको छ।
अब चिन्ता लिनु पर्दैन जोनिशा हाम्रो देशमा
नारीदासी बनाउनेनाम कानुनले केरि सकेको छ।

जोनिशा मगर
राजधानीमा मात्र जमना फेरिएर भएन।
लागू नहुने कानुन यहाँ कोरिएर भएन।
बोलेको बचन पूरा हुन सकेको छैन
अन्ते गराउनलाई हामी रोएर भएन।

दुर्गा कँडेल
बिकिर्ती हटाउन हामीले नै सुरुवात गर्नुपर्छ।
गाउँ गाउँ मा गएर सभ्यताले मन भर्नुपर्छ।
हाम्रो समाज सुधार्न आफूआफू बाट सुरु गरौ
राम्रो काम गरि यहि समाज को लागि मर्नुपर्छ।

जोनिशा मगर
सुरुवात त पहिल्यै देखि गर्या गरै छन।
तर पनि नारी हरु पिडामा पर्या परै छन।
एकछिन बुझ्छन समस्या भोलि बिर्सीहाल्छ्न
यस्तै यस्तै कारणले यहाँ नारी मर्या मरै छ्न।

दुर्गा कँडेल
आँफ्नै ज्यान फालेर जित हुदैन यहाँ।
आफू मरेर अरु कोसैको मन छुदैन यहाँ।
मागेर हैन आफ्नो अधिकार खोसेर लिनुपर्छ
नारि अगाडि बड्नु पर्ने हो सास पुग्दैन यहाँ।

जोनिशा मगर
बाहिर त हारि सक्यो घर भित्र अन्याय छ
प्रतेक घरमा बुझ्नु पर्छ कुनचेलीलाई न्याय छ।
कानुन भित्र यस्ता कुरा जति कोरिए पनि
हामलाइ घर भित्र गुलामी हुनु पर्या छ।

दुर्गा कँडेल
भित्र बसेर हुन्न आफ्नो आवाज उठाउनु पर्छ।
अन्यायमा परे चेलीले हजारौंहात जुटाउनु पर्छ।
अब जस्ले नारिको इच्छा बिपरित काम गर्छ।
एकएकगरि सबैको पापको पिन्ड फुटाउनु पर्छ।

जोनिशा मगर
हो अन्यायको जरो उखलेर फाल्नु पर्छ।
न्यायको नयाँ कानुन बनाई ल्याउनु पर्छ।
होईन भने हामी नारीले कति सम्म सहने
अब प्रतेक को घरमा न्याय छाउनु पर्छ।

दुर्गा कँडेल
नारी पुरुष सबै जाग्नु पर्छ म साथ दिने छु।
हाते मालो गर्दै अगाडि बडौ मैले हात दिने छु।
हामी ले हाम्रो सभ्य समाज बनाउनु छ हेर
समाज बनाउन आजैदेखि दिन रात दिने छु।

जोनिशा मगर
पुरुषको साथ पायौं भने हामी नारी जाग्ने छौ
अत्याचार र हिंसा लाई अन्त्य गर्न लाग्ने छौ।
अनि मात्र बाहिर अनि भित्रपनि न्याय छाउछ
सहर देखि प्रतेक गाउगाउमा न्याय ल्याउने छौ।

दुर्गा कँडेल
उठौ अब हामी सबै नारा जुलुस लगाएर।
सभ्य समाज बनाउ कुविचारलाई भगाएर।
नारी पुरुष सबै उठौ नारी आवाज उठाउदै
हामी सान्त हुने छौ नारी प्रधान देश बनाएर।

जोनिशा मगर
ठाउँठाउ मा यस्तै नारा लगाएर।
उठौ सबै अब यहाँ नारी जगाएर।
कुबिचर र अत्याचार लाई निमोठेर फाल्नु छ
अब हिड्नु पर्छ सबै नारी बनाएर।

जोनिशा मगर बुटवल
हाल:बुटवल
दुर्गा कँडेल बागलुङ
हाल:मुग्लान