चुकुप्रकाश तीज विशेष मुक्तक दोहोरि आज साझ ४ बजेबाट सुरु हुने , प्रमुख भूमिकामा कल्पना जिज्ञासु

नेपाली कविता फाँटमा अलि व्यापक ढङ्गले मुक्तकका बारेमा अध्ययन भएको देखिँदैन । अध्ययन गरेकाले पनि यसका बारेमा जाँगर गरेर लेखिदिएका छैनन् । यसले गर्दा मु्क्तक भनेपछि हुरुक्क हुने जमात आज मुक्तकलाई चिनाउने सैद्धान्तिक आलेखका अभावमा भ्रमको कुहिरोमा निसास्सिरहेको छ । नेपाली साहित्य जगतमा निकै फस्टाएको विधा गज़ल हो भने मुक्तक पछी पछी नै देखिन्छ | तर नेपालीमा मुक्तक कविताको लेखन वि.सं. १८३९ तिरबाटै भएको देखिन्छ । शक्तिबल्लभ अज्र्याल (पृथ्वीनारायण शाहदेखि रणबहादुर शाह कालका कवि) अहिलेसम्मको खोजद्वारा प्रमाणित पहिलो नेपाली मुक्तककार हुन् । उनका ‘तनहुँ  भकुन्डो’ शीर्षकका दुई श्लोकलाई नेपालीमा लेखिएका सर्वप्राचीन मुक्तक मानिन्छ ।

  मुक्तक फेरी ऐले अन्तिम समयमा आएर निकै चासोको बिषय बनेको पाइएको छ | आज यसको लेखन र विभिन्न पत्रपत्रिकाले देखाएको चासो लाइ मान्ने हो भने यो विधा निकै अगाडी आउने आँकलन गर्न सकिन्छ | 

चुकुप्रकाश डट ब्लग बाट पनि  यस विधालाइ निरन्तरता दिने कोशिस गरिएको छ | यसै ब्लग बाट आयोजना हुने विभिन्न कार्यक्रम मध्य "मुक्तक दोहोरि धमाका" सबैको  बलियो सुझाब , साल्लाह तथा  प्रतिक्रिया  बाट अघि बढ्दै आएको छ | हरेक महिना हुने यो मुक्तक दोहोरि कार्यक्रमको सातौँ  शृंखला सम्म सकिएर  आज २०७१ साल भाद्र ४ गते साँझ ४  बजेबाट आठौँ  भाग सुरु हुदै छ |

प्रकाश अर्याल  'चुकुप्रकाश '

पहिलो, दोस्रो र तेस्रो भाग चुकुप्रकाश डट ब्लग मै संचालन भएको थियो  भने बाँकी भाग   विभिन्न अतिथिको साथमा संचालन गर्दै आइरहेको छ | मुक्तक दोहोरिको सुरुको तिन भाग सम्म ब्लगका एडमिन चुकुप्रकाशबाट बै संचालन भएको थियो  भने , चौथो बिमल राज ढकाल , पाँचौ भण्डारी दाइ "अचम्म " , छैटौं  देवराज भन्तना"विवश अश्रुमालि" , सातौँ जगत अधिकारि अनमोल मुख्य भूमिकामा रहेका थिए | आजको यो कार्यक्रम तीज विशेष बनाइएको छ | महिलाहरुको विशेष चाड तीज को अवसरमा संचालन हुन लागेको यो  कार्यक्राममा महिला नै प्रमुख भूमिकामा रहनुहुने छ | 

बाग्लुङ को छिस्तीमा जन्मेर गैडाकोट,४,नवलपरासी लाइ कर्मभूमि बनाउनु भएको  कल्पना पौडेल 'जिज्ञासु ' हाल इजरायलमा हुनुहुन्छ | आजको कार्यक्रम उहाले इजराइल बाटै संचालन गर्दै हुनुहन्छ | 

पिता टिकाराम पौडेल तथा  माता  मनिकर्ण  पौडेलकी  सुपुत्रीका रुपमा बि .सं. २०३२ साल बैशाख २९ मा जन्मनुभएकी जिज्ञासुले बि.ए. सम्मको अध्ययन गर्नु भएको छ |उहाको समाज सेवा र साहित्य प्रतिको योगदान  उल्लेखनीय छ | उहाँ  

कल्पना पौडेल 'जिज्ञासु'

 कल्पना फाउन्डेसनको संस्थापक अध्यक्ष ,  विश्व  नेपाली  साहित्य महासंघ इजरायल शाखा(GFNL) को

सह - सचिव  तथा नेपाल मुक्तक प्रतिष्ठान इजरायल शाखा  को सदस्य समेत हुनुहुन्छ |पहिलो गज़ल संग्रह " भावनाका भेलहरु ' २०६९ ,  र दोस्रो गज़ल संग्रह ;जून हराएको रात ' २०७१  गरी उहाँको हालसम्म दुइ वटा कृति प्रकाशित भएको छ भने उहाँका गीत गज़ल मुक्तक कविता कथा र लेखहरु बिभिन्न पत्र पत्रिकामा प्रकाशित भएका छन् 

दोहोरीमा सहभागी हुन केहि दिन आगाडी नै ब्लग मा धेरै भन्दा धेरै टिप्पणी आएको छ | फेसबुकका भित्ता यिनै प्रसङ्ग ले भरिएका छन | 

"दोहोरीमा  रमाइलो गर्नकै लागी धेरैले मुक्तक लेख्छन  र निखारता पाउँछन , कतिपयले  त पहिलो मुक्तक नै यहीं लेखेका छन् | यो कार्यक्रमको मुख्य लक्ष्य नै नेपाली साहित्य जगतमा मुक्तकको चम्किलो ज्योती बाल्नु , सिघ्र प्रतिउत्तरको क्षमतामा वृद्धि गर्नु , रचनामा निखारता ल्याउनु  र अरुको रचना पढ्ने बानी  बसाल्नु हो |"

चुकुप्रकाश आठौँ तीज विशेष मुक्तक दोहोरि कल्पना जिज्ञासुको व्यक्तिगत फेसबुक  वाल मा संचालन हुँदैछ |  उहाँलाई  कल्पना पौडेल 'जिज्ञासु'    

 https://www.facebook.com/kalpana.sharma.376/ मा गएर सम्पर्क राख्न र मुक्तक दोहोरि मा भाग लिन सकिन्छ |