विनाशकारी भूकम्प २०७२ र विडम्बना - दिप्तेन्द्र भावहीन

भूकम्प २०७२ 

यो नेपालीहरुको कस्तो बिडम्बना हो | जताततै भोकमरी अनि अभाबै अभाब छ | विदेशबाट पठाएको राहत खोइ त ? विभिन्न देशले लगभग सात अरब सहयोग गरेको सि.एन.एन . न्युजले बताएको छ | प्राप्त सूचना अनुसार त्रिभुवन बिमानस्थलमा क़ुइण्टलकाक़ुइण्टल विदेशबाट आएको खाद्द्य सामग्री जस्तै रोटी,पाउरोटी,चामल अनि फलफूल कुहिने अवस्थामा छ तर सरकारले बाँड्ने काम सुरु गरेकै छैन | सही समयमा खानेकुरा मात्र पुगेपनि हजारौको पेट भरिन्थ्यो | कैयौं ठाउँमा पिउने पानीको अभाब छ |कति ठाउँमा त त्रिपालहरु पुगेकै छैन र जहाँ पुगेको छ त्यहाँ पनि पाँच परिवारले एउटा त्रिपालमा दिन-रात बिताउनुपरेको छ | विभिन्न देशहरु तथा ठाउँबाट आएका टेन्टहरु अनि त्रिपालहरु कहाँ गए ? कतै त्रिभुवन बिमानस्थलमै हरायो कि बेचियो ? मीनभवनमा केही दिन अघि मात्र बाँड्न दिएका ब्लान्केटहरु सुरक्षाकर्मीहरुले एकको रु. १५०० को दरले बेच्दै गर्दा स्थानीयबासीले पक्रेर प्रहरीलाई बुझाएको घटनाबाट म स्वयम् अवगत छु |

रिबन काट्न एबम उद्घाटन समारोहमा नेताहरु हेलिकप्टरमा धेरै चोटी उडेका हामीले नदेखेका होइनौं तर राष्ट्रिय संकटका बेला कहाँ गए ती हेलिकप्टर ? आकाशले खायो कि जमीनले निल्यो ? नेताहरुले हामीलाई यसको उत्तर दिनुपर्यो ?कहाँ हराए नेताहरु....पक्कै विदेशीले पठाएको पैसाको बाँडफाँडमा ब्यस्त होलान् | ए हुतिहारा हो! आँट छ भने जनताका अगाडी जाओ | तर तिमीहरु त नैतिकता हराएका मान्छे त हौ के जान्थ्यौ र | पैसाका लागि आमा, दिदी-बहिनी,स्वास्नी अनि छोरी बेच्ने तिमीहरुलाई यो भूकम्प एउटा संबिधान बनाउनबाट उम्किने मौका भएको छ , अर्को आन्द्रा चुटिञ्जेलसम्म लुछ्ने अवसर भएको छ | धन्य छौ तिमीहरु र धन्य रहेछ तिमीहरुको आन्द्रा | हेर नेताहरु हो ! यदि तिमीहरुले विदेशबाट पठाएको पैसामा आँखा मात्र लगायौ भने हामी नेपाली जनताहरु मिलेर तिमीहरुलाई बर्बाद गरिदिनेछौं | पर्ख नेताहरु हो मतदान त आउंदै छ नि ......तिमीहरुले देख्नेछौ |

दिप्तेन्द्र भावहीन