बिकेन्द्र सहयात्रीका केही मुक्तकहरु

बिकेन्द्र सहयात्री

मुक्तक 1
सम्झेर त्यो मन मुटु खायो होला प्रीया
के गरौं कसो गरौं लायो होला प्रीया
चाडबाड आउदा संगै साथमा नहुदा म
चारैतिर अन्धकार छायो होला प्रीया
मुक्तक 2
जता हेर्यो उतै तनाव नै तनाव देखियो
बुद्धको देशमा शन्तिको अभाव देखियो
खै के भनौं मान्छे उस्तै काटे रगत एउटै
तँ सानो म ठूलो भन्ने भेदभाव देखियो
मुक्तक 3
आफ्नो भाग्य निधार यो हेर्न मिल्ने भए
अचानोमा राखी सबै दु:ख सेर्न मिल्ने भए

कति सुखी हुन्थे होला दु:ख पाउने मान्छे
सधैं दुखी रहने मुटु हाम्रो फेर्न मिल्ने भए
मुक्तक 4
आफुले टेकेको धर्ती नै भिर भए पछि
कसैको नजर बाट गिरेको शिर भए पछि
जस्ले नि दबाउनै मात्र खोज्ने रैछ यहाँ
मुटु भित्र गाडिएको वेदना र पिर भए पछि

बिकेन्द्र सहयात्री
ओखलढुंगा ,ठुलाछाप-1,जोरधारा