भबानी अधिकारी नेपाल
आज नि घर ढिलो आयौ छोरा
के भो बोली नि के खायौ छोरा
आमा लाई किन रुवाउछौ तिमी
यो जन्म तिमीले के पायौ छोरापुरन बियोग
तिम्रै यादमा एकोहोरो भाको थिए आमा
चिया नास्ता पाउरोटी खाको थिए आमा
आज अल्ली ढिला भयो माफी दिनुस ल
म साथी संग घुम्न गाको थिए आमा
भबानी अधिकारी नेपाल
बोली पनि फरक छ खुट्टा लर्बरिएको
चिया नास्ता न भै हो कि रक्सी पिएको
न मिठो गन्ध आयो थाहा भयो छोरा
तिम्रै लागी मैले आज सम्म थिए जिएको
पुरन बियोग
तिम्रो जति अरुको माया पाएको छैन आमा
कसै संग माया पनि लाएको छैन आमा
तेसो न भन्नु न मेरो बिश्वास गर्नुस
कसम त्यस्तो केहि खाएको छैन आमा
भबानी अधिकारी नेपाल
सोचेको थे मेरो छोरा ठुलो मान्छे बन्ला
अब आमा सुख दिन्छु नजिक आई भन्ला
जति मेरो लागी गर्नु भो अब मेरो पालो
कुलतमा पर्यो भने कसरी ब्यबाहार धान्ला
पुरन बियोग
त्यो भट्टी भित्र पसेको छैन आमा
त्यस्ता सांथीसंग बसेको छैन आमा
बिन्ती गर्छु मेरो बिश्वास गर्नुस
म कुलतमा फसेको छैन आमा
भबानी अधिकारी नेपाल
पढे लेखेको हुंदा आंखामा तारो भाको हुनु पर्छ
छिमेकी पनि गतिला छैन्न झुटो कुरा लाको हुनु पर्छ
छोरा अब कसैको कुरा सुन्दिन गलत काम नगर्नु
नायक बन्नु सायद तिमीले त्यस्तो रोल पाको हुनु पर्छ
पुरन बियोग
आफु हिड्ने बाटो आफै खन्ने छु आमा
यो कुरा सम्झाउनु भो धन्ने छु आमा
हो अब संधै तिम्रो खुशीको लागी
असल गायक र नायक बन्ने छु आमा
भबानी अधिकारी नेपाल
धन्ने छु तिमी जस्तो असल छोरा पाउदा
पुछ्ने छौ अबश्य आँखाबाट आँशु आउदा
मेरो भरोसा नटुटोस प्राथाना गर्छु हे ईश्वर
नाम चम्काउनु दुंनियामा गायक भै गाउदा
पुरन बियोग
आशिष लिन हजुर सामु आउने छु आमा
अनि दुःख पिडाका गित गाउने छु आमा
अब संधै ईमान्दार र असल मान्छे बनेर
हो सबैको मन मुटूमा छाउने छु आमा
भबानी अधिकारी नेपाल
सबै अधुरो सपना पुरा हुने भो अब
छोराले सफलताको शिखर छुने भो अब
राखेर हाम्रो समाजमा ईमान र ईज्जत
खुशी दिई हाम्रो पिर ब्यथ्या धुने भो अब
पुरन बियोग
अब संधै लागी पर्ने छु आमा
सबै तिर खुशी छर्ने छु आमा
समयले मलाई साथ दिए सम्म
यो संसारमा केहि गरि मर्ने छु आमा
भबानी अधिकारी नेपाल "धादिङ"
मुक्तक मन पुरन बियोग "दाङ"
No comments:
Post a Comment