गणेश प्रसाद खतिवडाका केहि मुक्तकहरुको संगालो

मखमली गोदावरी माला गाँसे दिदी ।
ढोकामाथी सयपत्री उनी टाँसे दिदी ।।
आइपुग्छु सकेसम्म टिकासम्म म नि ।
अरु केही चाहिदैन तिमी हाँसे दिदी ।।
---------XX-------XX------XX--------
तिम्रो अनि मेरो पनि उमेर लक्का भो ।
चियाउँदै जो जो थिए ठूलो धक्का भो ।।
सुनिहालुन तातोतातो खबर सबैले ।
तिम्रो मेरो मिलन आजै राती पक्का भो ।।
---------XX-------XX------XX--------
रातै टीका लगाएर आउँछे सपनिमा ।
मेरो कोठासम्म आफैँ धाउछे सपनिमा ।।
टाँस्सिएरै समाउँछे अनि के के गर्छे ।
यसरिनै मलाई सताउँछे सपनिमा ।।
---------XX-------XX------XX--------
मुटुसँग मुटु नै साटी मोरिले ।
मैसँग पो घरबार आँटी मोरिले ।।
चौतारिमा साँझमा भेट्न बोलाई ।
अंगालोमा कसेर चाटी मोरिले ।।

---------XX-------XX------XX--------
एकै झल्को नजरैले मताइरह्यो सानू
मुटु बढ्दो ढुकढुकिले तताइरह्यो सानू
छट्पटिभो कोल्टे फेर्छु हराएर निन्द्रा
रातैभरी सम्झनाले सताइरह्यो सानु
---------XX-------XX------XX--------
हिड्दा हिड्दै बाटो छेकी रोके हुन्छ साथी
एकै चोटी समातेर बोके हुन्छ साथी
बिस्तारै त दुबै मन मिल्ने कहिले होला 
अंगालेर चप्प गाला टोके हुन्छ साथी
---------XX-------XX------XX--------
माया हजुर थोत्रींदैन पुरानो नि हुन्न
जातपात हेरि ठूलो र सानो नि हुन्न
लेखेपछी अर्कोपल्ट नमिले झैँ गरि
गृहकार्य बुझाएको त्यो पानो नि हुन्न
---------XX-------XX------XX--------

जिन्दगिमा रमाउन जुट्नेभए आउ
एकैछिन भेटेपछी छुट्ने भए आउ
दुइदिने जिन्दगिमा मरिलानु के छ
छचल्किँदो जवानी यो लुट्नेभए आउ

---------XX-------XX------XX--------

गणेश प्रसाद खतिवडा
पंचन-१, सोलुखुम्बु
हाल जोरपाटि