नेपाली कविता : राहत आहतमा पुगोस् [ बद्रि प्रसाद दाहाल ]

राहत आहतमा पुगोस् ,

जो छन् आहत दीन जीर्ण टुहुरा , पीडा लिदैका जन ।
त्यस्ताका घर आगनी पुग सफा , राखेर चोखो मन ।।
नाता क्षेत्र र थात जात दलका , सङ्कीर्ण किल्ला चिर ।
सच्चा आहतभित्र राहत पुगोस् , हल्का बनून् है पिर ।। १।।

जागोस् मानवता र धर्म सबमा , सेवा उज्यालो छरी ।
जागोस् है करुणा — दया र ममता , चम्कोस् सबैमा हरि ।।
हाम्रो दर्शन भन्छ आम जनको कल्याण उत्थान होस् ।
हाम्रा राहत खास पीडित पुगी , उध्दार चोखो बनोस् ।। २।।

फेसबुक : Badri Prasad Dahal