नेपाली कविता : परिवर्तन ( सर्जक : अनिल बस्न्यात "समीर )

Anil Singh Basnyat

October 3

परिवर्तन___________________________
चाहेको परिवर्तन हो भने, आफैलाई बदल पहिले,
श्रीगणेश हुन्छ सुधारको, तिम्रै सकारात्मक सोंचले ।

सुकर्मले ति तिम्रा सदा, गुँजिन्छन गाथा लोक-महाँ,
आफैमा भएको परिवर्तन, को हुन्छ अनुभूति तहाँ ।

चाहन्छौ भलो जगतको, भै सरीक दु:खमा अरुको हेर,
परिवर्तन भएको स्वयंमा, आभास हुनेछ उति नै खेर ।

परिवर्तन यथार्थ जगतैको, जसले छिटो बुझदछ,
विविधताका आधारमा हुने, विवेध सजिलै हट्दछ ।

दान गर्दा ज्ञान र सीप, हुन्छ सकारात्मक परिवर्तन,
परिवर्तित समाजको, सत्य यही बुझ हे जन-जन ।

.....अनिल बस्न्यात "समीर" 3 October 2014
भिमदत्त नगरपालिका, भासी-३, कंचनपुर, महेन्द्रनगर ।