दिलमा बसेर दिल, दुखाएर गई

नाम :- राज कुमार धिमाल
ठेगाना :- बर्दिबास ३ महोत्तरी (हाल हेटौंडा)
💔💔💔💔💔💔💔💔💔

दिलमा बसेर दिल, दुखाएर गई ।।
अनि आँशुको मुहान,फुटाएर गई ।।

हसाउने रमाउने, हजार छन् यहाँ,,
तर एउटै मान्छेले, रुवाएर गई ।।

यति धेरै चोट दिई,चोट माथी उस्ले,,
र त चोटैले ती चोट,भुलाएर गई ।।

माया नगरेकी हैन,औधी गर्थी माया,,
था' छैन कसरी मन, बुझाएर गई ।।

तिमी बिना मर्छु भन्थी,भन्दिन धोका दिई,
साथ छोड्नुको कारण, लुकाएर गई ।।

Continue Reading | comments

उदास अनन्त का दुई गजल

-उदास अनन्त
ज्वालामुखी फुट्न सक्छ,भुईँचालो,आउन सक्छ
एक्छिनमा जे नि हुनसक्छ,कसले,बताउन सक्छ

तिमीले कुनै रात सपनीमा,मलाई नदेखेको झोकमा
विचार गरेस्,मेरो आँखा सधैँलाई,निदाउन सक्छ

हमेशा खुशी राख्नेसँग,एउटा खतरा कायम रहन्छ
त्यही मान्छेले आँसु नरित्तिने गरि,रुवाउन सक्छ

तिमी माया दिँदा,लेखाजोखा नगर,दिईमात्रै राख
यो मुटुभित्र कत्ति अटाउन सक्छ,अटाउन सक्छ

संस्कारी घरले छोरीलाई,बडो स्याहार गरेको हुन्छ
र उस्तै परेमा उसैलाई नालीतिर,मिल्काउन सक्छ

भाग्यमानीहरु प्रेमै नगरी,प्रेमिका भेट्टाउने गर्छन्
अभागी प्रेमी,न प्रेम पाउँछ,न प्रेमिका,पाउन सक्छ!


कोसिस असीमित गर्छु तर,थकित हुन्छु
तिम्रा अन्तर्वश्त्रसँगको युद्दमा,पराजित हुन्छु!

तिम्रो पिता बनेकोजस्तो,अभिनय गर्छु
क्षणमै निष्कपट शिशु,सावित हुन्छु

मलाई सुन्नलाई,सहज होस् भनी तिमीलाई
कहिले गजल हुन्छु,कहिले, गीत हुन्छु

गहिरो चुम्बनको रुपमा,सन्चित हुन्छु
अनि गहिरो चुम्बनबाटै, सिन्चित हुन्छु

अन्यौलताको विधेयेक,प्रस्तुत गर्छु टोलाएर
तिम्रो एक मुस्कानद्वारा,पारित हुन्छु!

Continue Reading | comments

डि.पि भावुक चैनपुरे जुजारुका केहि गजल हरु

युद्ध  हुन्छ आगो आगो बिच् पानी-पानीको युद्ध हुन्छ।
कस्तो होला युद्ध पनि जवानी-जवानीको युद्ध हुन्छ ।

डुब्दो घाम चियाएर पुर्वीमन उपवास बस्दा यहाँ
लाल किरण छर्नु अगी विहानी-विहानीको युद्ध हुन्छ।

सितको थोपा टिलटिलाउँछ फुलहरूको तरेलीमा
पत्रै-पिच्छे फुलहरूमा कँहानी-कँहानीको युद्ध हुन्छ।

एउटा आँखा पूर्व हेर्दा अर्को पश्चिमी हेर्न पुग्छ,,
एउटै मानव आकृतिमा नानी-नानीको युद्ध हुन्छ।


आज भोली भन्दै यंहा, टार्नेहरू धेरै देखें।
बसी धर्तिमै जून तारा ,झार्नेहरु धेरै देखें।

कस्ता कस्ता चाल ,देखाउँछन ए भगवान
समीप बोलाई,काँडे तारले,वार्नेहरु धेरै देखें।

सायद राजनितीको खेल जस्तै भएर होला,
मिलेको दाजु भाईलाई विग्रारनेहरु धेरै देखें।

सयौं जुनी तिम्रो साथ, छोडदिन् भन्नेहरू नै,
मौसम छोडी बेमौसमी पिर्ती सार्नेहरु धेरै देखें।

सतहबाट हात समाई ,पुगेपछि गोहीराईमा,,
भुमरी र छालमा पारी,आफु तर्नेहरू धेरै देखें।



धनीलाई राजमहल ,गरिवलाई सानो ,घर छैन हजुर।
जति भेल आएपनि नदिको,तिरलाई, डर छैन हजुर।

पाईलै पिछे छुरा हान्नेहरुको जमात छ आज भोली,,
आफ्नै नातेदार मान्छे दाजु भाईको ,भर छैन हजुर।

म ठुलो जाती तिमी सानो जाती भन्दै हिड्छन मान्छे,
यंहा देशप्रेमी देशभक्ति खोज्दा खेरी,तर छैन हजुर।।

तर्साएर आफ्नो बहसमा पार्न ,वरीपरी डुल्छन् यहाँ
आफ्नै तालमा शान्तिले सास फेर्ने,शहर छैन हजुर

धादिङ्ग को चिसो चिसो ,पानी मन पर्यौ।
पानी संगै यंहा नलाङ्गेली,नानी मन पर्यौ।

हेर्दा खेरी ईश्वर ले फुर्सदैमा बनाए जस्तो,
जे हेर्यो तेही राम्रो,मलाई जवानी मन पर्यो।

साँझ पर्यो छुट्टनु पर्ने ,मन दुखाई दुखाई,
भोली भेटने आशामा,विहानी मन पर्यो।।

देखेर मात्रै नपाईने ,मन मिलनु पर्दो रहेछ,
यो डि.पिको मनमा बस्ने,रानी मन पर्यो।।

मेरो देशको पिँडाहरु, खोई दिने को छ हेर।
दु:खेको यो देशलाई ,छोई दिने को छ हेर।।

जता ततै विकाश देख्छु,अनी मन बरालीदा,
नेपालको लागी सुडेनी ,भोई दिने को छ हेर।

काला सेता बादल जस्तै ,मढारीदै छ यो देश,
सावुनले झै देशको मुहार धोई दिने को छ हेर।

कर्कलाको पानी जस्तै बगी जाने जिन्दगीमा ,,
देश जनजिरले बाधीँदा , रोई दिने को छ हेर।।

Continue Reading | comments

गजल : प्रियाको वचन टेरिरँहु लाग्छ [ देवराज भन्तना"अपवाद ]

हो! तिम्लाई मात्र हेरिरँहु लाग्छ आजभोलि
न्यानो अंगालोमा बेरिरँहु लाग्छ आजभोलि

फूल जस्ति पनि तिमी जुन जस्ति पनि तिमी
गीत गजलमा केरिरँहु लाग्छ आजभोलि

मर भनेनि मर्दिन्छु बाँचेको छु तिम्रै लागि
प्रियाको वचन टेरिरँहु लाग्छ आजभोलि

आँखै राम्रो मायालुको रुपको के कुरा
चट्ट पहिरन फेरिरँहु लाग्छ आजभोलि

विश्वासको खेति गर्दा शंकाहरु फल्ने गर्छ
दिलको मझेरीमा घेरिरँहु लाग्छ आजभोलि

-देवराज भन्तना"अपवाद "
20अगस्ट2014

Continue Reading | comments

धादिङका साहित्यकार प्रकाश बुढाथोकी का केहि प्रेमिल गजलहरु

प्रकाश बुढाथोकी का गजलहरु 

प्रबु जलन

हरेक पल मन जलाइ दिन्छौ,को हौँ तिमी मेरो ?
घाइते यो मुटु चलाई दिन्छौं ,को हौँ तिमी मेरो ?

बिर्सु भनी लाखौं कोसिस पनि नगरेको कहाँ हो र
,
फेरि मनमा आगो बलाइ दिन्छौं ,को हौँ तिमी मेरो?

न छ भोक न छ प्यास नत यो मन ठेगानमै रहन्छ,
याद पठाई यो देह गलाइ दिन्छौं ,को हौँ तिमी मेरो?

खुसि खोसि चोट दिदै दर्द दिन्छौं पल पल मलाई ,
दुख पीडा, आँसु फलाइ दिन्छौं को हौँ तिमी मेरो ?

केबल तिम्रो लागि मात्र, साराको मन दुखाइ दिन्छु,
तर सबै चोट पीडा मलाई दिन्छौं को हौँ तिमी मेरो?

Continue Reading | comments

आफ्नो देशको सम्झनामा केहि गजलहरु [ नानू मगर ]

नानू मगर

किचनास ८ स्याङ्जा

नानु मगर ज्यु का केहि गजल हरु 

आज भन्दा भोली झन मेरो देश डुब्दै छ।
अनि भित्र भित्रै भस्सिएर त्यसै लुक्दै छ।

कति दिन बस्ने हुरि बतास संग लडेर।
सान्ति छैन अझै देशमा भुकम्प घुम्दै छ।

कठै कस्तो भयो होला यो मेरो देश आज।
यहाँ नेपालीको आँशुले मातृभूमी रुझ्दै छ।

नेपाल आमाको सम्झनामा कल्पिदै हामी।
हाम्रो ईतिहास झल्काउन सप्ना बुन्दै छ।

बिचरा रुदै छन् सबै भाब बिहील भएर।
पीडाले निद छैन भोक पियास भुल्दै छ।

Continue Reading | comments (1)

गजल : चस्केला छाती खाडीमा मदन ढलेको समय [ युवराज गौतम अन्तरमुखी ]

चस्केला छाती, खाडीमा मदन, ढलेको समय
एक् थोपा आँसु, नझार्नु देह जलेको समय

भौतिक शरीर , भएनी टाढा, म संगै आत्मा छ
भनेर जान्नु, मध्यनी रातमा, छलेको समय

बिछोडले मुटु, दुखेमा अति , सम्झेर भुलिदेउ
यौवन छँदा , काखमा बसी, चलेको समय

धराको हामी, अतिथि रैछौं, दुईदिनको निमित्त
फर्केर उतै, जानु नै पर्छ , गलेको समय

गए म टाढा, आउँदछ भनी, भर पर्नु अबश्य
चुलाको आगो, भर्भर गरी, बलेको समय

युवराज गौतम अन्तरमुखी
कल्लेरी 8
धादिङ
हाल कतार

Continue Reading | comments

प्रकाश पाठक योगीका ५ गजलहरु

प्रकाश पाठक योगी

चितवन १  जगतपुर

हाल-चेन

जिवन आखिरि एक मुठि सास रैछ
मर्ने त मर्छन बाच्ने लाई खास रैछ !!

बाचुन्जेलि तेरो र मेरो भन्दै भागेनि
चलुन जेलि सरिर मरे लास रैछ !!

आखिर मानब कसरि मर्छ त सोच्छु
पक्कैनि सरिरमा आत्माको बास रैछ !!

यहा तिम्रो आदेश बिना केहि हुन्न
तेसैले मानव सबै तिम्रो दास रैछ !!


जब बिस्तारै डुब्दै जान्छ घाम पर्न थाल्छ पिर
हेरत मन्दिरमा मौन छन् राम पर्न थाल्छ पिर !!

अलि-अलि भएको त्यो अन्न पनि लगिस दैब
परिवार पाल्नलाई छैन नि दाम पर्न थाल्छ पिर !!

कुनाबाट आएर छोरो जाडोले काम्दै भन्दछ
खै त बाबा अझै पाकेन माम पर्न थाल्छ पिर !!

बर्षौ देखि पसिना तेहि साहुकोमा बगाए मैले
आज आएर छैन भन्छ काम पर्न थाल्छ पिर !!

सकिननि ति लाला बाला चटकै छोडेर हिन्न
पिर पर्यो उस्तै बसु कि जाम पर्न थाल्छ पिर !!

पल्लो गाउँको दाई छुट्टिमा आएका रैहेछन
भन्दैछन् कमाई हुन्छ धुमधाम पर्न थाल्छ पिर !!


उनिहरूको पिडा कस्ले पो सुन्छर बरै
जस्लाई पर्छ उहि मात्र यहाँ रून्छर बरै !!

जे देखे त्यो शब्द मार्फत कोरेको हु मैले
ईश्वर दाहिने त मेरो पनि कहाँ हुन्छर बरै !!

जिवनमा उतार चढाब भैरहन्छ रोएर के भो
सधै जाल माकुरिले पनि कहाँ बुन्छर बरै !!

दु:ख त मरेको बेला मात्र परेछ भन्छ समाज
तर पिरै नपरि आशुँले मुहार को धुन्छर बरै !!

संसार यहि मोह जाल्मा अडिएको रैछ कठै
आशै नभई सधै टुट्ने माला को उन्छर बरै !!


आहा बिस्वकै अग्लो सगरमाथा सान छ मेरो
रातो र चन्द्र शुर्य भन्ने राष्ट्रिय गान छ मेरो !!

बिर गोर्खालि मर्छ बरू झुक्न कहिले जान्दैन
हेर त ईतिहासमा कत्रो पहिचान छ मेरो !!

चार जात छत्तिस वर्णको परिवारमा रम्ने
हिमाल,पहाड,तराईसबै जहान छ मेरो !!

ईतिहास पल्टाई हेर अझै ताजै छ रगत
ति पुर्खाले गर्दा बिस्व सामु ठूलै मान छ मेरो !!


हेर त यहाँ नेपाल चुक्यो भनि नलेखन यार
आँखाको आशुँ आँखामै सुक्यो भनि नलेखन
यार !!
पानि पनि नखाई कत्रो सानले लडे पुर्खाले
नेपाल एक्कै छिन्मा झुक्यो भनि नलेखन
यार !!
जब राष्ट्रका बिर सहिदको चर्चा हुदैन भने
ति कामै नलाग्ने चोर भुक्यो भनि नलेखन
यार !!
परि आउदा देशमा छाति थाप्न तम्सिन्छन
ब्यार्थै नेपालि हरू लुक्यो भनि नलेखन
यार !!
याँ सारा नेपाल रूदा आज के नै गर्यौ तिमिले
सबै मिलि मुखमा थुक्यो भनि नलेखन
यार !!
गर्ने बेलामा आफै मनोमानि गरिरहन्छौ तिमि
आखिरिमा उस्ले कान फुक्यो भनि नलेखन
यार !!


प्रकाश पाठक योगी
चितवन १ जगतपुर
हाल-चेन्नै

Continue Reading | comments

सन्तोष भट्टराईका ८ गजलहरु

सन्तोष भट्टराई

गजलहरु ..........
बाध्यताले दुःख संग मितेरी गाँस्नु पर्ने।।
लुकाएर भित्र आँसु हाँस्दै बांच्नु पर्ने।

कस्तो भाग्य कोर्दिएको दैब तैले मेरो।।
आफ्नै मुटु यहाँ अरु सँग माग्नु पर्ने।

घटि रहन्छ नसोचेको घट्ना जिवनमा।।
जल्दा मुटु अाफ्नो अाफै आगो ताप्नु पर्ने।

किन आउँछ सम्झना घरिघरि अतित त्यो।।
सधै यादै-यादमा जिवन यो काट्नु पर्ने।

जिउने आधारनै लुटेर माग्छन् माफि यहाँ।।
नचाँहेर पनि हाँसी-हाँसी सबै मान्नु पर्ने।


पास्पोर्ट बोकेर बिदेश जा भन्छ सरकार।।
स्वदेशी तिमी बिदेशी बनेर आ भन्छ सरकार।

दिन सक्दैनौँ स्वदेश मा जागिर तिमीलाई।।
पसिना तिम्रो पराई माटोमा बगा भन्छ सरकार।

हजारौ युवा बाकस मा फर्किरहेको छ यहाँ।।
गल्ती गर्यॊ भोट दिएर बल्ल खा भन्छ सरकार।

सम्बिधान आएन भनेर धेरै करायौं जनता हरु।।
फल्यो धान अब अशान्ति फैला भन्छ सरकार।

भयको छ देश मा आर्थिक मन्दी. चारै तिर।।
तर गोर्खाली शिर त्यो नझुका भन्छ सरकार।

विश्राम ५अक्षरमा
वर्ण १०

सम्झेर उनि,,घरकी कालि।।
आउँदैछु म,,बिदेश छाडि।

आमाले अब,,हेर्नु बाटोमा।।
मुटुमा मेरो,,तस्बिर राखी।

याद छ होला,,हेरेको मेला।।
लुकेर हामी,,गएको राति।

घुम्नेहो गाउँ,,साथि मिलेर।।
तयारी गर्नु,,सबैहो जानि।

खुशीको पल,,कुरेर बस्दा।।
मिले त जान्थे,,घरमा भागी।

बिश्राम:६अक्षरमा
वर्ण:१२अक्षरमा

गर्नु पर्छ काम,,सजिलो हुदैन।।
बसेर खाएको,,पोसिलो हुदैन।।

हिडेका छौं घुमि,, फिरन्ते बनेर।।
भोलिको जिवन,,गतिलो हुदैन।

गरे मेहनत,,मिठो फल हुन्छ।।
पसिनाको फल,,नुनिलो हुदैन।

उठ अनि जाग,,सबै युवाहरु।।
बोलेरै त देश,,पटिलो हुदैन।

गर्नु पर्छ काम,,सबैले मिलेरै।।
झगडाले काम,,चपिलो हुदैन।


सधै तिम्रो माया मैले खोज्छु अामा।।
बिरानो यो ठाउँ मा रुँदै बस्छु अामा।

तिम्रो हातको मिठो खाना नपाउँदा।।
मिठो नभए पनि थोरै खान्छु आमा।

काख मा राखी सुताउँथिन् मलाई।।
त्यो न्यानो काख सम्झी सुत्छु आमा।

प्रत्येक रात सपनीमा रुँन्छौ तिमी।।
आधा रात तिम्रो तस्वीर हेर्छु आमा।

त्यो पापी दैबले बनायो बिछोड हाम्रो।।
जुन झर्दा तिम्रो नै खुशी माग्छु आमा।



बिराएर बाटो हिडेको छ साथी।।
सयौँ जिन्दगीमा चुकेको छ साथी।

चलेको छ आँधी हुरीको तुफान।।
नभागेर अझै उभेको छ साथी।

भएको छ होला जिउँदै मरे सरह।।
छिटो काल लैजा भनेको छ साथि।

लगाएर माया छुटेछन् नि सारा।।
खाएर चोट अझै उठेको छ साथी।

हिडेको छ लड्दै सबैसंग किन।।
सबै सामु लड्नै जुटेको छ साथी।


विश्राम ५अक्षरमा
वर्ण १०

मायाले मन,,दुखाए पछि।।
मुटुमा छुरा,,चलाए पछि।

लुटेर खुशी ,,पारेर दुखि।।
खालिछु सबै,,लुटाए पछि।

गरेको बाचा,,संगै जिउने।।
छाडेछ बाटो,,बिराए पछि।

दिएको धोका,,झरेको आँसु।।
बिछोड गित,, सुनाए पछि।

मरेर आत्मा,,भएछ लास।।
जिवन हार,,खुवाए पछि।


माग्दै वर मन्दिरमा चढाएको धन।।
याद छ होला संगै बस्तु चराएको बन।

बोकि खाजा बिहानै झरेको बेसी।।
आउँछ याद लडेको वरालिमा झन।

सानो छदा गरेका गल्तीहरु धेरै थिए।।
टाढा हुदाँ थाहाँ भयो रमाईलो बचपन।

स्कुल पढ्दा झगडा गरेका साथिहरु।।
भेट्दा सोध्ने गर्छु लडेको हो हैन भन।

छम-छम गोजीमा गुच्चाको संगीत बच्दा।।
हुन्थ्यो हजुर साह्रै खुशी यो मेरो मन।



सामान्य परिचय 
नाम: सन्तोष भट्टराई
ठेगाना: अर्घाखाँची हंसपुर-८ बामरुक
शिक्षा: सामान्य
हाल: मलेसिया मा कार्यरत

Continue Reading | comments

नेपाली गजल : नाकाबन्दी कैले सम्म सरकार ??

नाकाबन्दी चलिराछ कहिले सम्म चल्छ सरकार ।
तिम्रो घरमा पनि दाउरा कहिले देखि बल्छ सरकार ।।

अभावता र अन्धकारमा कतिन्जेल बाच्ने जनता ।
यस्तै भए तिम्रो सता अब कहिले ढल्छ सरकार ।

कृषि प्रधान देशमा खाध्यान्नको सङ्कट हुदा ।
सङ्कट हट्न कहिले देखि धान मकै फल्छ सरकार ।।

पदमा बसि करोडौको भ्रष्टाचार गर्नेलाई नि ।
पैसाले कानुन अपराध कहिले सम्म छल्छ सरकार ।।

हरिशरण अर्याल 
धादिङ

Continue Reading | comments

राजकुमार भुजेल 'साजन' का केही गजलहरु

___________१___________
दाेष एकातिर  थुपारेर के गर्छौ
कुरा जथाभावी  बटारेर के गर्छौ

सुन्दर  बस्ती  बिगार्ने हेतुसहित
भन त जुधाएर पछारेर के गर्छौ

निकट कालमै हात छाेड्ने भए
फकाउँदै जंघार तारेर के गर्छौ

पुरानाे रमणीय  संसार नै त्यागी
ए निष्ठुरी  गुँड सारेर के गर्छौ

लक्ष्यविहीन ऊ पक्कै  हाेइन हाेला
कठै! काेपिलामै मारेर के गर्छौ

____________२_____________

अाफ्नैहरु अलग्गिन्छन् हतारमा
र गल्तीहरु थपिन्छन्  हतारमा

उसकै  त्यो  मर्जी नहाेला तर
घुम्टाेहरु अाेढिन्छन् हतारमा

हाे, समय तिम्रो  पनि अाउनेछ
भन्दा पनि बहकिन्छन् हतारमा

पहाडै बज्रिए त सहनुपर्छ
मान्छेहरु अातिन्छन् हतारमा

सम्बन्ध  दिगाे नहुन हाेला
गुलाबहरु साटिन्छन् हतारमा

___________३___________

कि तिमीले माेहनी लगाउन हुँदैनथ्यो
हर सपनीमा यसरी  सताउन हुँदैनथ्यो

भन्ज्याङमा भेट्न  भनी मैले बाेलाउँदा
चिरिच्याट्ट परि तिमी  अाउन हुँदैनथ्यो

म मस्त निदाएकाे जान्दाजान्दै  पनि
मध्यरातमा मिसकलले गिजाउन हुँदैनथ्यो

मनै त हाे सम्झिदिन्छ के दाेष यसको
घरिघरि  तिमीले याद पठाउन हुँदैनथ्यो 

अहिले अाएर ठुला कुरा गर्नुभन्दा
पहिलै पिरतिकाे रुख चढाउन  हुँदैनथ्यो
_____________४________________

वास्तविकता बुझ घाेरिएर एकछिन
नबिर्सिदेऊ अतीत पिएर  एकछिन

ए फूल , किन मुर्ख्याइँ गर्दैछौ
अाेइलिनुछ भन्ने  बिर्सिएर  एकछिन

बाटो  छल्दैमा सफर टुङ्गिदैन नि
जिउन सिक्नुपर्छ एक्लिएर एकछिन

पिर तापहरु नष्ट  हुन्न साेचेजस्ताे
ती परेलीका पानी पाेखिएर एकछिन
_________________________

राजकुमार भुजेल 'साजन'
कुम्पुर-५,धादिङ
हाल UCMS,भैरहवा

Continue Reading | comments

सागर भण्डारी "बिभोर" का गजलहरु [पाल्पा ]

सागर भण्डारी "बिभोर"

वास्तविक नाम : अम्बिका प्रसाद भण्डारी

माता : उमाकान्ति भण्डारी

पिता : गणपति भण्डारी

स्थाई ठेगाना : पाल्पा यम्घा दर्पुक एक

हाल : साउदी अरब रियाद

आबद्ध सङ्घ सस्था :

 (1) परिवर्तन सर्गम साहित्यीक प्रतिष्ठान

(2) दधि- स्मृति साहित्य समाज कपिलवस्तु

(3) बिश्व नेपाली साहित्य महासङघ्

गजल 1

भएन अब केहि त, आँफै नगरी भएन

उ नजिक नआए, मैं उतै नसरि भएन

आँमालाइ चाहिने, घर धन्दा गर्ने खाले

तिमी भन्दा अरु कोही, मलाई सुन्दरी भएन

देखाइदिन्छु सबैलाई, मेरी बनाई तिमीलाई

भगाएर मन्दिरमै , सिउँदो नभरी भएन

आँमा भन्नुहुन्छ सधै, घरै सुनो सुनो भयो

आँगन्मा खेल्ने हाँस्ने, अझै मञ्जरी भएन

कसम खाई भन प्रिय, जुनि जुनि तिम्रै हुन्छु

तिम्रै खुशिका लागि, जंघार नतरी भएन

गजल 2

Continue Reading | comments

नेपाली गजल : बिना सित्तै पाउने न उपहार न मोल भो जिन्दगी [ रेखा पन्त गोर्खा]

गजल
बिना सित्तै पाउने न उपहार न मोल भो जिन्दगी
बदलिन्छ अनेक रुप न काचुली न खोल भो जिन्दगी

भनिन्छ अमुल्य छ मानब जिबन किनबेच हुदैन यहा
तिलान्जली दिदा खुशीको न मोल न तोल भो जिन्दगी

घर नभए माइती हुन्छ भन्छन जिबन काट्नलाई
दुखियाको कर्मै खराब न गाउ न टोल भो जिन्दगी

रोदन र चित्कारको धुनमा रम्ने दिनचर्या भो
कर्णप्रिय धुन त्यो न बासुरी न ढोल भो जिन्दगी

आफ्नो लागि नभए नि दोस्रोको लाइ जिउनु पर्ने
बाध्यता र मजबुरी न चोक्टो न झोल भो जिन्दगि


रेखा पन्त
गोर्खा हाल इजरायल

Continue Reading | comments

नेपाली गजल :छैनन् नि कहाँ मांसपेशीले थकान,छोड् भनेका छन् [उदास अनन्त]

गजल
छैनन् नि कहाँ मांसपेशीले थकान,छोड् भनेका छन्
यार्,पेटका आन्द्राले चैँ ओच्छ्यान,छोड् भनेका छन्

यो दुषित दुनियाँमा,अल्लि समय रहिरहनका लागि
आफन्तहरुले मध्यपान,धूम्रपान,छोड् भनेका छन्!

खै,ऊ भेडा बनेर भीडमा,अस्तित्व खोज्नलाई जान्छ
खासमा बथानले अस्तित्वलाई बथान,छोड् भनेका छन्

मैले देवताहरुको मण्डलीसँग,मान्छेमा मन भर्न मागेँ
बालक,अरु जे वर माग्,यो रटान,छोड् भनेका छन्

मलाई चर्चभित्र घेरा हाली,तीन समूहले धम्क्याएको छ
कि वेद च्यात् भनेका छन् कि कुरान,छोड् भनेका छन्!


एक सोझो युवक,भट्टी रित्याउन,यसरी बाध्य भयो
जहानले बाआमा,र बाआमाले जहान,छोड् भनेका छन्!
-उदास अनन्त

Continue Reading | comments

नेपाली गजल :निर्दयी हरु किन काटमार गर्दै छन् !! [रेखा पन्त गोर्खा ]

गजल
निर्दयी हरु किन काटमार गर्दै छन् !!
भाइ भाइमा भाला छुरा प्रहार गर्दै छन

जातीय र सघिय उठाई मिलेका जनतामा
भ्रस्ट नेताले गाउ चिरा फार गर्दैछन !!

आफ्नै बलि दिदै समरक्षणमा जुटेका ति
राष्ट सेवक अझै तिनकै उद्दार गर्दैछन् !!

भूकम्प ,आगोलागी बाढी पिडित नाउ गरी
दैब पनि नेपाली लाइ अत्याचार गर्दैछन !!

शान्तिका दुत बुद्द जन्मिएको धर्तीमा नै
कोलाहल रोदन चित्कार हाहाकार गर्दै छन् !!

रेखा पन्त गोर्खा ,
हाल इजरायल ..

Continue Reading | comments

बिष्णु एकल यात्री कान्छाका केहि गजलहरु

गजल १ 
कति नरमाईलो जिन्दगी चलिरहेछ ।
भित्र भित्र मुटु आज भोली जलिरहेछ ।

नत फुल्नु नत फल्नु यस्तो जिन्दगी मेरो
गन्तब्यमा नपुगि बिच बाटैमाढलिरहेछ ।

साँचो सत्य बाटोमा हिड्दा हिड्दै पनि
किन मलाई भगवानले छलिरहेछ ।

सानाले ठुलाको आद्दर सत्कारै नगर्ने
यो साँचै नयाँ जमाना आज कलिरहेछ ।

सयोगको भाबना देखिन कतै कसैलाई
यहाँ आज त्यसैले पापै पाप फलिरहेछ ।

Continue Reading | comments

नेपाली गजल : ज़िन्दगि ढलेर गयो [प्रकाश पाठक योगि]

"गजल"
ज़िन्दगि ढलेर गयो
माटोमा गलेर गयो !!

आज आएर नियति
बेसरि छलेर गयो !!

चमत्कार वा बिड्म्बना
पानि त्यो बलेर गयो !!

नहुन रहिछ र त
कलि यो फलेर गयो !!

संसार न बुज्दै बालक
अकाल्मै चलेर गयो !!

चारै तिर रूहाबास
यो छाति जलेर गयो !!

क्षाक टार्नि अनाज त्यो,
माटोमा मलेर गयो !!

ज़िन्दगि ढलेर गयो
माटोमा गलेर गयो !!

प्रकाश पाठक योगि
चितवन जगत्पुर
हाल-चेन्नै

Continue Reading | comments

नेपाली गजल : हासेर म बोली दिन्थेँ आशु झर्न खोज्छ [ बिप्लब अदृश्य रिजाल ]

गजल,,,,
हासेर म बोली दिन्थेँ आशु झर्न खोज्छ,
बाँचेर म हिडि दिन्थेँ दिल मर्न खोज्छ ।।

जीन्दगीमा केहि गर्ने लक्ष्य थियो मेरो,
कल्पनाले गर्दा आज मूटु सर्न खोज्छ ।।

पोखि दिउ ब्यथा भने छैन पोख्ने ठाँउ,
पाइ धोका मूटुभित्र गाठोँ पर्न खोज्छ ।।

बढाउछु पयरलाइ अघि भन्दा पनि,
किन किन अल्छे भई पछि सर्न खोच्छ ।।

अल्छे मान्छे हुदैँ होइन यो "बिप्लब अदृश्य",
बसि समाजमा केहि गर्न खोज्छ ।।

बिप्लब अदृश्य रिजाल
थुम्बेदिन सात ताप्लेजुङ्

Continue Reading | comments

नेपाली गजल : मेरो बाटोमा एकातिर धार अर्को तीर काडाको छुरा भए [ सागर भण्डारी "बिभोर" ]

गजल

मेरो बाटोमा एकातिर धार अर्को तीर काडाको छुरा भए
लहूलुहान पाइला पुगेनन गन्तब्यमा र इच्छा अधूरा भए

तिम्रा साना साना खुसिहरुमा आफ्ना गमहरु पीएर बाच्छु
नसजाउ  प्रियसी  हातै  भरी  ति रँगिन फुटेका  चुरा भए

दुःखै दुःखका खजानाहरु तिम्रा पनि मेरा पनि उस्तै छन्
नगुमस्याउ  कुन्ठीत हुन्छन्  भन है तीता मीठा कुरा भए

बिचरा यी गरीबका जिन्दगी कहाँ छन र जिन्दगी जस्ता
हेर  अमिरहरु  भोगमा  छन  पशुझैँ  सुन्दरी र सूरा भए

निमुखालाइ किन दबाउछस्   ए नाथे हतियार देखाएर
युध्द गर अन्यायको बिरुद्धमा यदि बलिया पाखुरा भए

खुसिहरु  बिधवा  भए  मेरा  सपनाहरु  चकनाचूर  हुँदा
कस्ले सुमसुम्याओस् यी घाउ कठै सन्तानहरु टुहुरा भए

धेरै बिकास गर्यो बिज्ञानले मानौं आकास आँगन हो तर
मान्छे प्रति मान्छेहरुका सोंच किन होला यती साँगुरा भए

सागर भण्डारी "बिभोर"
दर्पुक 1 पाल्पा

Continue Reading | comments

नेपाली गजल : कोही मर्दैछ कोही मारिदैछ मेरो देश मा [ कृष्ण घायल आशु ]

कोही मर्दैछ कोही मारिदैछ मेरो देश मा
कुर्सीको निम्ति मनलागी गरिदैछ मेरो देश मा

अंश मा नमिलेर दाजु भाई काटा काट छ
जाति'र धर्म को बिज छरिदैछ मेरो देश मा

शान्ति को दुत गौतम बुद्ध जन्में को देश
कसरी जिउँ डर त्रास भरिदैछ मेरो देश मा

लाग्छ गरिएछ गल्ती हिजो मतदान गरेर
आफै खनेको खाल्टोमा परिदैछ मेरो देश मा

पशु बलिनै बन्द गर्ने दबाव आई रहदा
फेरि किन आज मान्छे तरिदैछ मेरो देश मा

देश आमा हुन आमा लाईनै घायल पारी
आफ्नै सन्तान किन बैरिदैछ मेरो देश मा

~~~~~{कृष्ण घायल आशु}~~~~~

Continue Reading | comments