नेपाली गजल : न'रुवाउनु नेपाल आमालाई बिन्ती छ हजुर [ सर्जक : बि.बि.तामाङ घिसिङ बैरागी" रामेछाप ]

B.b. Tamang Ghising

गजल_________

न'रुवाउनु नेपाल आमालाई बिन्ती छ हजुर|
न'जुधाउनु आफ्नै दाजुभाइ बिन्ती छ हजुर|

लड्नु बरु ति सिमाना मिच्ने दुश्मनहरु संग,
नेपाली नेपाली नगर्नु लडाइ बिन्ती छ हजुर|

जात भातको कुरा नगर्नुस् अब कसैले पनि,
को आफ्नो- यहाँ को पराई बिन्ती छ हजुर|

कतिदिन भ्रष्टाचार गर्छौं गरिबको पसिनामा,
खानु हुन्न है अरुको कमाई बिन्ती छ हजुर|

तिम्रो भाषण सुन्दा सुन्दा थाकिसके जनता,
अब मार्नदिनुस् थोरै थकाई बिन्ती छ हजुर|

बि.बि.तामाङ घिसिङ बैरागी"
रामेछाप बिजुलीकोट ३ काङ्बा
हाल: कुवेत [24/01/2015]