उस्ले आफ्नै घर जलायो क्रान्तिको नाममा ।
र हतियार बन्दुक उठायो क्रान्तिको नाममा ॥
सारा देशमा नै अब आगो लगाईदिन्छु भन्दै ।
ठाउँठाउँमा बम पड्कायो क्रान्तिको नाममा ॥
सोझा साझा ति निर्दोष जनताहरूलाई मारेर ।
हजारौलाई बिदुवा गरायो क्रान्तिको नाममा ॥
हिडेको थियो उ नयाँ नेपाल बनाउँछु भनेर ।
आफुँलाई सहिद बनायो क्रान्तिको नाममा ॥
काहाँ गयो आज तिम्रो नयाँ नेपालको नारा ।
आज देशले सारा गुमायो क्रान्तिको नाममा ॥
©अबिरल सागर सौगात
सालझण्डी-१ रूपन्देही
१७ पौष २०७० —
No comments:
Post a Comment