 |
जे. सागर |
नयाँ नेपाल बनाईदैछ यस्तै नजिर बसाएर |
कात्रो पनि हिच्किचाउला हजुरको सरम ढाक्न !
किन हिंड्या माननीय दौरा सुरुवाल लगाएर ?
छोरालाई शिरमा ऋण,हातमा पासपोर्ट थमाएर |
'हजुरलाई हर् धड्कनमा सम्झिरा'छु' भन्छिन प्रिया,
पैसा हाता पर्या दिन छोटो सन्देश पठाएर |
पढ छोरी भन्छु आफू, अंशतिरै आँखा लाउँछे,
उपबुज्रुक आमा'चैंले नारी शिक्षा रटाएर |
जीवनरुपी भुत्भुतेमा सुख नामको ढुङ्गो पोली,
पाकेपछि खालास् भनि राख्या'छु मन् फकाएर |
मोती टिप्न 'सागर' भित्रै डुब्नुपर्छ महोदय ..
भेटिदैन बाग्मतीको बगरमा कराएर |
जे.सागर
No comments:
Post a Comment