 |
एकल यात्री नानू(पुर्नीमा थापा)
किचनास ८ स्याङ्जा
हाल=कुबेत
|
सकिएन कतै भेट्न, परिभाषा जिन्दगीको!
पिंजडाको चरी जस्तै, थुनिएर म बसेकोछु!
खोजेँ धेरै भेटिएन,क्यै निकासा जिन्दगीको!
बिना तयारी परीक्षा, लिदैछ आज मलाई !
हजारौं रैछ मेरा त , ती गुनासा जिन्दगीको!
संसारको सबै भन्दा, रै छु दुखी म अचेल,!
तर पनि थपिदैछन्, यो निराशा जिन्दगीको!
जतिसुकै इमानदार, देखाए पनि यहाँ !
पटक पटक हुन्छ, तमासा जिन्दगिको !
गजल (२)
दुःख सुख बढौं भनि माया गरेको हो।
भन सानू किन तिमी पाखा सरेको हो।
कति माया गर्थें मैले यो मनलाई सोध।
घृणा गर्यौ र त नजर, बाट झरेको हो।
सधै तिम्रै बन्छु मुटु भित्र बस्छु भनी।
हरेक पल् तिम्रै यादमा म मरेको हो।
एक्लै छु भन्दै मेरै, सामु रुदै आयौ।
फूल बनी बगैचामा, वास्ना छरेको हो।
भुलेर पनि नभन्नु, निष्ठुरी मलाई।
सात समुन्द्र तिम्लाई, भुल्न तरेको हो।
तिम्रै नजिक पर्दा म, तिमी टाढा भयौ।
अनि पो त मैले बाटो,खोज्न परेको हो।
गजल(३ )
किन कोसिस् गर्छौ माया ,घटाउनको लागि।
झन आउछन् तिम्रा याद , सताउनको लागि।
आफ्नै भनि मायाको दुरि, बढाउन खोजेको।
जति तिम्ले कोसिस गरे ,हटाउनको लागी।
भन्नु पर्ने धेरै थियो , मनको अधुरा कुराहरु।
त्यसैले त नजिक आएँ ,बताउनको लागि।
मलाई भन्दा धेरै माया, सधै तिमीलाई गरें ।
बोलायौ देउरालीमा डाडै, कटाउनको लागि।
ढुङ्गा जस्तै तिम्रो मुटु पगाल्न सकिन कहिलै।
आखिर माया दिएछु केबल ,मताउनको लागि।
गजल(४ )
दलालिले परदेशमा बेच्दा रोएँ आमा।
नोकर्नी त ,भन्दै सबैले हेप्दा रोएँ आमा।
तिम्रो हातले पकाएको खाना सम्झिदै।
पानी संगै रोटीले भोक मेट्दा रोएँ आमा।
छातीमा टाँसेर सुत्छु तिम्रो तस्वीर सधै।
सपनिमा तिमी संगै खेल्दा रोएँ आमा।
चाल्दै थिएँ संघर्षका पाईलाहरु प्रदेशमा।
आफ्नै भन्ने मान्छेले बाटोछेक्दा रोएँ आमा
दुःख पीडाहरुलाई, समेटेर मनमा राखें।
अनि गजल बनाए लेख्दा रोएँ आमा।
गजल(५ )
ढुङ्गाको मन तिम्रो ,पगाल्न सकिन मैले/
तै पनि अन्तै पाईला , चाल्न सकिन मैले/
आँसु भित्र रुमलिएको छ मेरो जीवन/
जहरमा डुबेर पनि , ढाल्न सकिन मैले/
मुटु भित्र याद काँडा बनेर बिझाउछ/
खै किन हो निकालेर ,फाल्न सकिन मैले/
निस्ठुरीले छिया छिया पारेको मुटु मेरो/
हो सियो धागोले पनि ,टाल्न सकिन मैले/
कसम ढुङ्गे मुटु मैले नी बनाउने थिएँ/
तर दिल भित्र पत्थर ,हाल्न सकिन मैले/
पल पल यादमा तड्पिएर बाचेको छु/
जिउदो लास चित्तामा,बाल्न सकिन मैले/
गजल(६ )
तिमी मेरै हुनै पर्छ भन्ने, दवाब छैन म संग /
के भयो भनि नसोध्नु कुनै,जवाफ छैन म संग /
तिम्ले दिएको चोट अनि,पिडाहरुले घायल छु /
साच्चै नै जिउन सक्ने कुनै,आधार छैन म संग /
प्रेमको परिभाषा अनि,उचाई सोध्छौ भने तिमी /
मुल्यांकन गर्ने कुनै यन्त्र अनि,नाप छैन म संग /
ज्यूने बाहानामा पिएर, भुल्थे होला तिमीलाई /
आखिर पिउनलाई सराबको साथ छैन म संग /
जुनी भरी मेरै हौ भन्नेले, जिन्दगि लुटेर गयो /
रित्तो रित्तो भएछु समाउने हात छैन म संग /
एकल यात्री नानू(पुर्नीमा थापा)
किचनास८स्याङ्जा
हाल=कुबेत
No comments:
Post a Comment