रसिला मुक्तकहरूको संगालो

मुक्तक-१,
स्वाभिमान बेच्न पनि ईमान बेच्न पनि।
तयार छन हिमालीभिर मैदान बेच्न पनि।
के गर्दैन यहाँ मान्छे पैसाको खातिरमा,
पछि पर्दैन छोरीचेली सन्तान बेच्न पनि।
-नवीन संघर्ष (सिन्धुली )

मुक्तक-२,
बेचे यिनले बुद्ध बेचे सेतो हिमाल बेचे।
खोला नदि नाला बेचे झरना ताल बेचे ।
स्वाभिमानको के चिन्ता देश द्रोहिलाई,
किस्ता किस्ता गरेर आधा नेपाल बेचे|
-प्रीन्स याक्खा संखुवासभा
हाल-आफगानिस्तान



मुक्तक-३,
पैसा भन्ने जातको अन्त्य गर्नु पर्छ।
सन्तान बेच्ने हातको अन्त्य गर्नु पर्छ।
भिख संग मातृभूमि साट्ने मुर्ख कलंक,
र देश टोक्ने दाँतको अन्त्य गर्नु पर्छ।
-बिन्दा लामा(सिन्धुली )

मुक्तक-४,
यी सबै कहानी राजनीतिमा छन् ।
दुनियाँ कै बेमानी राजनीतिमा छन् ।
हे सरकार तिमी फाँसी दिन सक्छौं ,
छोरीचेली बेच्ने प्रानी राजनीतिमा छन् ।
-मनोहर शाही

मुक्तक-५,
अभाबले स्वाभिमान गिराउने रहेछ ।
अज्ञानताले सधै बाटो बिराउने रहेछ ।
जेगर्नु गर्छ यहाँ यही पैसाले गर्छ ,
रत यती धेरै पागल बनाउने रहेछ।
-प्रभा ब्रतौला

मुक्तक-६,
इमान बेचेर अनि स्वाभिमान बेचेर बाचेका छन ।
काेहि जन्मभुमि काेहि रत्नउद्यान बेचेर बाचेका छन् ।
पैशाकाे लालचमा अाई छाेरी चेलि केही नभनि ,
दलालहरु हाे कयाैँका ज्यान बेचेर बाचेका छन् ।
-कपिल मणी

मुक्तक-७,
आफ्नै नज़रबाट नखसे सम्म इमान बेच ।
खरिददार छन् भने आफ्नो स्वाभिमान बेच।
मरेपछी अनुहार कसरि लुकाउँछौ त्यो सोच,
अनि मन्दिर मस्जिद खुदा भगवान बेच ।
-सुनिल अधिकारी

मुक्तक-८,
स्वाभिमान र इमान बेच्नेको नपरौं भर।
जन्मभुमी र दलान बेच्नेको लिउँ है डर।
यी अपराधी पापी हुन दिनु हुन्न क्षमा,
आफ्नै रगत सन्तान बेच्नेको नगरौँ घर ।
-दिलिप राई सगर

मुक्तक-९,
हाम्रो राष्ट्र हाम्रो सान झुक्न दिनु हुन्न ।
अटल,अमर स्वभिमान झुक्न दिनु हुन्न ।
के हिमाली के पहाडी आउ तराई हात जोडौं ,
बुद्वत्वको शान्ति ज्ञान झुक्न दिनु हुन्न ।
-शिभ सुवेदी

मुक्तक-१०,
जलस्रोतको धनि देश नेपाल पानी बेचेर खायो।
नारीहरू धर्म संस्कृति भुली जवानी बेचेर खायो।
हरायो मातृभूमीको ईज्जत र मान सम्मान कठै,
दलालहरू पैसामा दिन दिनै रहादानी बेचेर खायो।
-नानू मगर
किचनास ८ स्याङ्जा

मुक्तक ११ ,
देश बन्न ढिलासुस्ती हटाइदिए पुग्छ सरकार
अनावश्यक खर्चहरू कटाइदिए पुग्छ सरकार
डुबेको हो देश हाम्रो घुसपैठ र बेइमानीले
ब्रह्मलूट र दुरुपयोग घटाइदिए पुग्छ सरकार ll
-कोमल भट्ट
पुरानो नैकाप,काठमाडौँ
हाल:- न्युयोर्क,अमेरिका

मुक्तक १२ ,
मदहोशि तीखा आँखा मारी उसैले ।
एकोहोरो माया जाल्मा पारी उसैले ।।
निम्ता दिई मझेरिमा मख्ख परेंछु ।
तगारोमै काँडेतारले वारि उसैले ।।
गणेश प्रसाद खतिवडा
पंचन-१, सोलुखुम्बु
हाल जोरपाटि

मुक्तक १३ ,
मुक्तक
केहि आशा अधूरा छन केहि भएको छ पुरा।
चोक चोक मा चलेका छन संविधान को कुरा।
जे भए नि हाम्रो देश ले एउटा मोड लिएको छ।
देश ले बिकास को गति लिगोस कामना हजुर।
हरिप्रसाद "निरन्तर"

मुक्तक १४
यसो गरे नि पार लागेन,उसो गरेनी,पार लागेन
अहँ,तिमीलाई नसम्झिउँ भन्ने कुनै,विचार लागेन
त्यो तिम्रो स्वादिलो,शुभ प्रभात,सुन्नकै निमित्त
मलाई रातैभरि अनिँदो बस्दानि,पट्ट्यार लागेन!
-उदास अनन्त

मुक्तक १५
यहाँ ज्वाइँले ससुरालाई पालेको नि देखेको छु
छोरी पाउँदा घोर्ले खसी ढालेको नि देखेको छु
तर पनि यै समाजमा यस्ता बाबू आमा हुन्छन्
जाँचबुझ गरि गर्भे नानी फालेको नि देखेको छु
-चुकुप्रकाश