नेपाली व्यंग्यात्मक मुक्तक : ..... चोर नेताहरु जन्मायो सिल्ली लोकतन्त्रले [ बिकि सुधा ]

मुक्तक 
रोग, भोक शोकले आक्रान्त उडायो खिल्ली लोकतन्त्रले
मेरो देशको शार्वभौम सत्ता सुम्पियो दिल्ली लोकतन्त्रले
तन्त्र धेरै आए देश र जनताको बिकासको मन्त्र आएन
गुण्डा, भ्रष्ट र चोर नेताहरु जन्मायो सिल्ली लोकतन्त्रले

बिकि सुधा
बागलुङ बलेवा
दक्षिण कोरिया

Continue Reading | comments

लागूभागू नबन फागु, जय होली नबिगार चोली !

- बद्री प्रसाद दाहाल

पारस्परिक सद्भाव , सौन्दर्य र रसरङ्गको होली वसन्तको झोली बोकेर हाम्रा घरआँगनमा रङ्गीन हुँदै चोली ,फ्रक , म्याडी ,अम्ब्रेला र चुरीदार कसिला पहिरनमा हमला बोल्दै आइपुग्यो । हिरण्यकश्यपुकी बहिनी होलिका जसले विष्णुभक्त आफ्नै भाइ प्रल्हादलाई दाजुको आज्ञा तामेली गर्न आगोमा जलाउने दुष्प्रयास गरिन् र अर्की सर्वनाशकी प्रतीक ढुण्डा राक्षसी जसले मानव बस्ती बस्तीलाई उजाड बनाएर सिध्याइन् , तिनै दुच्छर तत्वहरुको समाप्तिमा खुसी हुँदै मनाइएको गर्व भरिएको पर्व हो फागु । बिडम्वना ! हिजोआज भने यस्ता गर्वले भरिएका पर्वलाई अनर्थ गरेर ‘ अर्थ न बर्थ गोविन्द गाई ’ भनेझैं व्यर्थ बनाउने गलत विकृतिले संस्कृतिमाथि बिखालु अङ्कमाल गरेको हुँदा बुज्झकीहरुले — ‘‘ लागूभागूू नबन फागु , जय होली नबिगार चोली ’’ भनेर अपील गरेको ग¥यै छन् । रीति , संस्कृति , प्रथा र पर्वहरुलाई कुरीति , विकृति , व्यथा र खर्ब खर्च गर्ने बनाएर यता केही सम—यदेखि हाम्रा सनातन परंपरामा एसिडको गोला बर्साउन फागुको लोलालाई माध्यम बनाउने जमातको बिगबिगी बढ्दो छ ।

Continue Reading | comments

केहि तिता मिठा नेपाली गज़लको व्यंग्यात्मक आधुनिक उखान [ लेखक : प्रकाश अर्याल चुकुप्रकाश ]

नेपाली गज़ल क्षेत्र निकै धरापमा परेको देखिन्छ , जहाँ बिकास त्यहाँ बिनास भन्ने प्रचलित नेपाली उखानको ब्याख्या यिनै नमुनाहरुले छर्लङ्ग पार्दै आएको छ | नेपालमा छ्यास्छ्यास्ती उम्रिएका गज़लकार जसले आफु दक्ष नभई गुरु भन्ने काम वा गजलको नाम राखेर अ-गज़ल प्रकाशित गर्ने गर्नाले पनि यस्ता घटना बारम्बार दोहोरिन थालेको छ | त्यसैले पैले गज़ललाइ नजिकबाट नियालेर मात्र  सार्बजनिक रुपमा प्रस्तुत हुन पनि आग्रह गर्दछु | मैले देख्दै आएको केहि तिता मिठा नेपाली गज़लको व्यंग्यात्मक आधुनिक उखान पढेर प्रतिक्रिया दिनुहुनुनेछ भन्ने आशामा छु | 

प्रकाश अर्याल "चुकुप्रकाश"

नलाङ ७ बैरेनी धादिङ

1. एक शेरले गज़ल बन्दैन
2. कच्चा गज़ल यात्रा हाँडी गाउको जात्रा
3. गज़ल लेख्दै गईन्छ कमेन्ट आउदै जान्छ
4. आफ्नै गज़लमा आफ्नै कमेन्ट
5. साहित्य नबुझ्नेलाइ गज़ल न मुक्तक
6. लाइक गर्नेलाई फ्रेन्डलिस्ट नत्र ब्ल्याक लिस्ट
7. तेत्रा तेत्रा गज़ल त लेखियो जाबो मुक्तक
8. गज़ल लेख्नेलाई रदिफले रोक्दैन
9. जहाँ धोका त्यहाँ गज़ल
10. गज़ल काटी मुक्तक
11. काफिया हेरी गज़ल कोर्नु
12. गित सम्पादन गरेर गज़ल बन्दैन
13. गज़ल चोरलाई कैले सान्ति मिल्दैन
14. जसले लेख्छ छोटो उसकै हुन्छ मिठो
15. के खोज्छस गज़लकार ? काफिया
16. कविले गज़ल हेर्या जस्तो
17. रात भरि गज़ल लेखियो, मुक्तकमा टुंग्याईयो
18. रदिफ सोच्दा गज़ल फुर्यो
19. पोस्ट नगरौँ त मिट्ठो गज़ल, पोस्ट गरौ त ब्रेकप हुने डर
20. एक्लो गज़लकार उल्लु
21. गज़लको शेर विधा न काब्य
22. गज़ल लेख्ने लाइ पो कफियाको डर , फजल लेख्नेलाइ के को डर
23. कवि गोस्टिमा गज़लकार
24. आउदैन भन्छ कुनै अक्षर , लेख्न थाले गज़लका शेर
25. फजलकार देखेर गज़लकार डराउछ
26. बाह्र बर्षमा गज़ल लेखियो , धेरै तिर गल्ति देखियो
27. दुई दिन गज़ल लेखिन साथी कोही देखिन
28. मतलामा राम राम मकतामा रावण
29. हिजो गजलकार मानेन , आज लेख्न जानेन , प्रतियोगिता भोली छ बल्ल मुटु पोलिछ |
30. नम्बरी गज़ललाइ ट्याग गर्न पर्दैन
31. लेख्न जान्दैन काफिया दोष
32. जुन शेर पढेपनि रदिफ यौटै
33. ताल परे गज़ल नत्र मुक्तक
34. आजको गज़लकार भोलिको जोगी
35. गज़ल लेख्ने म पोस्ट गर्ने तँ
36. गज़ल नलेखी ब्यबाहार देखिन्न
37. मिसरा मिसरा मिलेर गज़ल बन्छ
38. बरिस्ठको गज़ल र खेलको पज्जल बुझ्नै गार्हो
39. राम्रो गजलको मतला नै मिठो
40. काफिया भए गज़ल कत्ति कत्ति

-प्रकाश अर्याल "चुकुप्रकाश"
नलाङ ७ बैरेनी धादिङ

Continue Reading | comments (2)

नेपाली हाँस्य-व्यंग्य : जय– संस्कार ! [ लेखक : बद्री प्रसाद दाहाल ]

- बद्री प्रसाद दाहाल
बूढापाकाहरु भाखा फिराएर रुखा स्वरमा भन्छन् ‘ संस्कार व्यक्ति र समाजलाई अलङ्कृत पार्ने स्वस्थ र विज्ञानसम्मत सुकर्म हो । ’ शब्दकोषका पोथीहरु पनि धोती फेरेर बोल्छन्— ‘संस्कार’ भनेको अवगुण, दोष, कमजोरी आदि हटाई परिष्कार गर्ने काम , सुधार वा शुध्दता हो । अझ लामो र गनगनजस्तो लाग्ने शब्दमा भन्नुपर्दा—‘ रहन–सहन, मर्यादा, सम्पर्क शिक्षा आदिका कारणबाट मान्छेका मनमा पार्ने प्रभाव वा धारणा नै संस्कार हो । ’ वास्तवमा ‘संस्कार’ मानव जीवनको विशाद, विकार, धि–क्कार, अभिशाप र उठीबास पार्ने रमिता भने होइन । बिडम्वना ! दिनानुदिन नेपालका नव –धनाढ्यहरु भने संस्कारमाथि अपकार गर्दै खकारबराबर पार्न नचॉहि‘दो ढासा र ढर्रामा यसलाई विशाद, विलाप , विखण्डन र विभ्रममा परिणत गराएर उपहासको पगरी गुताइदिएका छन् । त्यसैले त यो भदौरे जात्राको भक्कूजस्तो लगनका दिनहरुमा हगनजस्तो भएर सुन्दर सनातन परंपरामा चक्कू झिकेर धक्कू लाइरहेछ ।

Continue Reading | comments

ब्यंग्यात्मक प्यारोडी राष्ट्रिय गान : जय जय नेपाल [ प्रेषक : प्रेम लिम्वु ]

Prem Limbu Nugo

November 30 at 1:40pm

ब्यंग्यात्मक प्यारोडी

<(( राष्ट्रिय गान ))>

सयौँ खाले नेता हामी एउटै कुर्सी तानातान।
चक्काजाम नारा जुलुस ढुंगामुडा हानाहान।।
लोडसेडिङले गर्दानै त बडेको छ हाम्रो शान ।
कमाउ खाउ जीवन चलाउ किन चाहियो संबिधान ?
ज्ञानभूमी शान्तिभूमी तराई पहाड हिमाल ।
खण्ड खण्ड पारी छाड्छौँ अबिकसित नेपाल।।
धर्म भाषा मोदी जी लाई संस्कृति छन् बिशाल।
यो देशमा रजाई गर्छौं जय जय नेपाल ।।

      

शुभ अपरान्ह, शुभ दिन।
शुभ पल, शुभ समय ।

Continue Reading | comments