नेपाली कबिता : कयौं देश,सागर तरी आउंदैछु म दिदी,

कयौं देश,सागर तरी आउंदैछु म दिदी,
आकाशको बाटोगरि आउंदै छु म दिदी |

किन भुल्थें त्यो स्नेह,सदभाब अनि मायाँ !
सम्हालेर मुटुभरी आउंदै छु म दिदी |,

दिनुखानु के पो छ र आशिर्वाद हो ठूलो,
आशिष दिनुस अजम्बरी आउंदै छु म दिदी |

उन्दै गर्नुस मखमली, रोटि हाल्दै गर्नुस,
तपाइकै वरीपरि आउंदैछु म दिदी |

हुन्न दिदी यो साल पक्कै पोहोर जस्तो हुन्न,
पीर नलिनुस् अनेक थरि आउंदै छु म दिदी ||

जे.सागर