मौलिक श्रीस र दिलु थापा मगर बीचको दोहोरी झलक
प्रसङ्गा १
अहिल्यै यती कुराउनेको लागेन भर
डर लाग्छ बाउ आमालाई गर्न नि कर
अहिले त माया गरे जस्तो गरे पनि
बिहे पछी देखिन्छ कि खराब असर
दिलु थापा मगर
गैंडाकोट ४
मौलिक श्रीस
माफ गर यार नरिसाउन मेरी प्यारी डल्ली
गाउँमा हाम्रै कुराको थियो हल्ली खल्ली
तेसैले त्यहाँ सबैलाई हाम्रो बारेमा बताउदा
खुसी बनाए सबैलाई अनि ढिलो भो अल्ली
दिलु )
साँचो मायामा डर मान्नु हुन्न
म हजुरकै हुँ पर ठान्नु हुन्न
साथ म दिनेछु सधैं भरिलाई
के हजुरले यती नि जान्नु हुन्न ?
दिलु थापा मगर
मौलिक
यही बिस्वास मैले मन भित्र पालेको छु
तिम्रो साथ साथमा यो कदम चालेको छु
तिम्रो मेरो प्रेमलाई संसार भरी चिनाउन
अब मैले एउटा छुट्टै अभियान थालेको छु।
दिलु)
पक्का हो माया दाँया बाँया नहोस् है
दुई दिनको छुट्ने यो माया नहोस है
परेको छु हजुर कै भरमा अब म त
हराइ जाने त्यो घाम छाँया नहोस है
दिलु थापा मगर
मौलिक)
ह्रदय देखिको हाम्रो माया बलियो छ दिलु
युगौ युग सम्म बली रहने दियो छ दिलु
तिमीले आँखा जुधाउदा नहेरे पनी मैले
लुकी लुकी हरपल हेर्ने चियो छ दिलु
दिलु)
यादमा हरपल मलाई रुन मन लाग्छ
छिट्टै मलाई हजुरकै हुन मन लाग्छ
धेरै भयो यो दुरी हामी बिचको प्रिय
अब त हजुरको पाउ छुन मन लाग्छ
दिलु थापा मगर
मौलिक)
अब छिट्टै दुलहीको घुम्टो ओढ़ने छौ
जन्मिएको त्यो माइति घर छोढ़ने छौ
आज सम्म जिन्दगी एक्लै थियो अब त
म सँगै तिमी जिवनको मोड मोड़ने छौ
दिलु)
कती कती रहर मनमा सजाएको छु
पञ्चे बाजा मन भित्र बजाएको छु
खुशीले छैन खुट्टा भुइमा प्रिय मेरो
मिलनको पल सम्झी लजाएको छु
दिलु थापा मगर
मौलिक)
तिम्रो मेरो भबिष्य बनाई सकेको छु
आफन्तलाई सबै कुरा जनाई सकेको छु
सपनीमा भए पनी तिम्रो सिउँदोमा मैले
यही हातले सिन्दुर पनी खनाई सकेको छु
मौलिक श्रीस ।
No comments:
Post a Comment