सदरमुकामको जिन्दगी

घरमा बस्दा दकस हुन्छ सासु ससुराको
नन्द देवर आछेप लाउँछन् विना कसुरको
म त बस्छु डेरा खोजी जान्छु सदरमुकाम
छोराछोरी बोर्डिड्ड पढ्छन् अरु मेरो के काम ?

दिनभरी फोन आउँछ हुन्न मोबाइल खाली
धन र मन दुबै दिने भेटे यसपाली
दिनैपिच्छे होटल र क्याविनको बास
विदेशबाट खर्च आउँछ अझै लाग्छ आस

तिमी गछ्र्याै मोज यहाँ उता बैस नास

पति किन सम्झीन्थौ र ठिटो भए पास
सम्झी तिम्रो अनुहार पति विदेश रुन्छन्
यता भने तिम्रा यस्ता दशवटा नि हुन्छन् ।

श्रीमतीलाई सुख कटाउने उनीहरुको धोको
एयरपोर्टमा झरेपछि यता पाछ्र्याै पोको
धान सुकाउने मान्द्रो सुकुल घाँस राख्ने डोको
खसी परेका तिम्रा पति तिम्लाई चाहियो बोको

माया तिम्रो अजम्बरी लाउछ्यौ गफ फोनमा
कमाई जति कुम्ल्याएर पोइल जाने धुनमा
पाए जति खान्छ्यौ तिम्ले पारी कंगाल पति
दिनैपिच्छे घुम्न जान्छ्यौ खर्च कति कति

पति तिम्रा ब्ल्याक ह्वाइट ठिटो प¥यो कलर
बूढा तिम्रा लागे विदेश कमाउन डलर
नआउ भन्छ्यौ उनलाई फोनमा अझै वर्ष दुई
इज्जत केलाई सम्झिन्थ्यौर चढी उसको बुई