गजल __________________ए अंकल हजूरको गाला किन तेत्रो ठूलो ?
काँधमा नै नअटिने माला किन तेत्रो ठूलो ?
हजुर त बच्चा जस्तो झगडा पो गर्नु हुन्छ
आफ्नै दाजुभाइ बीच ज्वाला किन तेत्रो ठूलो ?
दिनभरि काम गर्ने ज्यामी भोकै मर्छन् यहाँ
हजूरचाहिँ सुत्दा पनि ज्याला किन तेत्रो ठूलो ?
गर्न सक्ने कुरा मात्रै भाषणमा बोल्दा हुन्न ?
आशै आशले बनेको त्यो भाला किन तेत्रो ठूलो ?
हजुरले संबिधान क्वाप्पै खानु भाको रे त ?
होइन भने पेटमा मात्रै छाला किन तेत्रो ठूलो ?
कि त ब्याउनु कि ओकाल्नु भुँडी भित्र भाको चिज
नौटंकी त्यो गाईजात्रे चाला किन तेत्रो ठूलो ?
-प्रकाश अर्याल "चुकुप्रकाश"
हाल : भारत
No comments:
Post a Comment